PHILIPPIAN 1:8 - Cho Bible Common Language 2016

⁸ Bawi Khrit Jesuh ah m’gein nak awn, nangmi ang htei ah ka ning khaih nak gui ah mawng pyein ung, Khanpughi cu saksi ah kyak ci.

PHILIPPIAN 1:8 Referans Kwoze

PHILIPPIAN 4:1

Phäi nau gui aw, ang htei ah ning m’hni gui ne ka ning khaih na gui ci nei. Nang mi ah hmawk ah ang htei ah ka yeikyai ci nei. Kam hni ah phäi nau gui aw, Bawipa ung nami ghin nak khäng htek khai ah nami ng’düih vai nei.

ROMAN 1:9

Ahtapa ah mawng Thu Ni ng’shäu ne pyein ne, kam lung kyong avan ap ne, Khanpughi ah khuut cu ka bik ci.

2 TIMOTHI 1:4

Nang phlitui ali cu shüm ba ne ang htei ah ka ning hmu hlük ci nei. Nang ka ning hmuh ung kei cu yei nak awn ka be khai nei.

1 THESSALONIAN 2:8

Nangmi, kami ning m’hni nak gui awn, Khanpughi ah Thu Ni ning teipai gui vai bäng ah kä kyak ciah, kami mät ah ghin nak hnun gui phi, ning teipai gui vai ah kami ng’düi ci nei. Nangmi cu ang htei ah kami ning m’hni gui ci.

ROMAN 9:1

Kei naw akcang ka pyein cu; kei ung Bawi Khrit om ci kya sei kei kä ka hleei ci. Mumcha Theing ah uknak awn om ciah kam lung kyong naw kei kä ka hleei ah mawng cu dang sak ci.

PHILIMON 1:12

Kei naw ani cu nang ah ka tüi law ba ci, ani naw kei ah m’lung ngaih cu law püi ci nei.

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

KOLOSE 2:1

Nangmi ah hmawk, Laodica chang gui ah hmawk la kei ka changsing kä na hmat ciah chang gui ah hmawk ah, kei naw a i hlawk ah k’tha na ne kabi cu ka ning m’thein gui ci nei.

KALATIAN 4:19

Kam hni ah ka hta nau gui aw! Bawi Khrit ah m’lung ngaih nangmi ung kä a om pha ah chuih, kei cu hta lawk khai ah nu ah mäih ah ka yaica ci nei.

KALATIAN 1:20

Shin ah ka guk cu ng’düng ci, kä ka hleei ciah a kyak ah mawng cu Khanpughi naw hmat ci!

2 KORIN 7:15

Ani ah ng’thu ngai ghet khai ah nami om la, ani kyih aa ne nami na dou ah mawng cu, ani naw shüm ba netah, nangmi cu ning m’hni law gui pi ci nei.

2 KORIN 6:12

Ami m’lung choh khai ci gui cu keimi ah kä kyak ci; keimi ah ma ah ami m’lung choh khai cicu nangmi ah kyak ci.

LUKA 1:78

Mikmi ah Khanpughi cu m’gein nak la k’dük nak awn be ci. Ani naw a hun nak ah akdei cu mi khan ah ng’shü law sak ne,

ISAIAH 63:15

Bawipa, Thengcim ne, bäimang sei na om nak ah khankho ah ka naw na yuk teng gui ä. Dämdüh ciah keimi ah phäh ah na ng’ä nak cu a hawi ang? Na huham cu a hawi ang? Na m’hni nak la m’gein nak cu a hawi ang? Keimi kä na nawng en gui ä.

ISAIAH 16:11

Kei cu Moab ah phäh thüi ne ka ngüük ci nei, Kira Heres ah phäh ah ka thüi ci nei.

1 JOHAN 3:17

Bämang ciah chang ah kya lang ne, a phäi nau tumat mat geinvai sei hmu netah am lung choh khai ciah chang cun naw, a i hawk chaa ah Khanpughi kam hni ci nei, a ci thei vai ang?

PHILIMON 1:20

Cun ah kyasei phäihta aw, Bawipa ah hmawk ah na bä nak awn cun ah na bi vai nei, Bawi Khrit ung phäi nau ah na kyak nak awn kei cu na thawlet sakä.

1 THESSALONIAN 2:5

Nangmi naw nami hmat ah mäih ah keimi cu chang m’tam khah ne kä kami ng’thu ci, kami mät ah hmawk ah kä kami ng’thu ci nei. Shin ah a mawng ung Khanpughi cu kami saksi ah kyak ci nei.

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

PHILIPPIAN 2:26

Ani naw nang mi cu ning khaih na gui ci, ani ah gawpai ah mawng nami ng’yak ah hmawk ah ani cu am lung kä ni ngai ngai ci nei.

PHILIPPIAN 2:1

Bawi Khrit ung nami ghin nak naw ning khüighaat sak gui ne, ani ah m’hni nak naw nami m’lung ning üp sak gui ci. Nang mi cu Mumcha awn ng’geicam nak om ci; tumat la tumat chimgein nak la m’hteihtang nak tu phi om ci.

2 KORIN 13:9

Keimi kami k’tha ken ne, nangmi nami k’tha a ghaat ung, kei mi kami yei ci nei. Cun ah kyasei nang mi kümbe ciah chang ah nami kyak law vai ah phi kami k’taigü ci nei.

JOB 16:19

Kei täng ah ak htek ah ng’düi ne saksi khai cu Khankho ah om ci nei.

KALATIAN 3:26

Nangmi cu yum nak awn Bawi Khrit Jesuh ung kawng ät ne Khanpughi ah hta ah nami kyak ci.