PHILIPPIAN 1:7 - Cho Bible Common Language 2016

⁷ Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

PHILIPPIAN 1:7 Referans Kwoze

2 KORIN 7:3

Cun ah ka pyein cu nangmi ka ning m’kat gui ah kä kyak ci, ayan ka pyein ah mäih ah, nangmi awn sih ung phi ghin ung phi atäng ah om vai ah ka mi ning m’hni gui ah hmawk ah kyak ci.

PHILIPPIAN 1:5

A htük ung tün ne tuhbäi ung khüt khai ah Thu Ni ng’shäu ne bilawh nak ung a täng ah nami na bilawh püi ah hmawk ah ka taigü päng ung ka yeikyai ci nei.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

KOLOSE 4:18

“Paul ah yavaih nak” ciah shin ah ca cu ka mät ah kut kheng awn ka guk nei. M’si gui awn ami na khih nak cu kä nami m’hnih-en vai nei. Khanpughi ah m’gein nak cu nami khan ah om sä, Amen.

PHILIPPIAN 4:14

Cun ung phi kei ka yaica yah ung nang mi naw nami nam htei cu ang htei ah bä ci nei.

EPHESIAN 6:20

Kei cu thawng ka cun pang ung phi, shin ah Thu Ni ah hmawk ah ng’shä ah ka kyak ci nei. Shin ah Thu Ni ka pyein khai ah kang düi ci kyasei, khüighaat ne ka ng’shäu vai ah nami na taigü peik vai nei.

EPHESIAN 3:1

Shin ah a mawng ung Bawi Khrit ah thawng kyum ah ka kyak ciah kei Paul naw, nangmi chang khuihei gui ah hmawk ah Khanpughi ah ka taigü ci nei.

LAMKTU 20:23

Kei naw ka hmat cu, a gawnu päng ung Mumcha Theing naw, “Thawng kium nak la yaica nak ung na gawk khai nei” a ci bäng ah kya ci.

1 JOHAN 3:14

Mikmi cu mi phäi nau gui mi m’hni ah hmawk ah sih nak nawng shüt ne ghin nak ung mi gawk pyi ci, cicu mi hmat ci. A phäi nau käm hni ciah chang cu sih nak ah kaa ah om lä ciah kyak ci.

2 PETER 1:13

Kei ghing ne ka om yah ah chuih shin ah a mawng gui ka ning m’shümthein ba gui lä khai ah ka ngai ci nei.

1 PETER 4:13

Nangmi cu Bawi Khrit ah geinvai nak nami ng’pai püi ciah kyasei, nami yeikyai vai nei, cun ung vah Bawipa bämang nak awn a kyum law ba hnüüp ung, nangmi cu yeikyai nak awn nami kümbe khai.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

1 THESSALONIAN 5:5

Nangmi nami van cu akdei ung ng’len pyi ne, kho hnüüp khäm pyi ciah chang ah nami kyak ci.

KOLOSE 4:3

Keimi ah hmawk ah phi nami taigü vai. Cun ung Khanpughi naw keimi-am a khin k’ni cu na pe gui sei, keimi naw ng’yih ciah Bawi Khrit ah mawng, ng’Thu Ni cu kami shui khai. Acun ah hmawk ah kei cu tuhbäi chü thawng ung ka kium ci nei.

EPHESIAN 4:1

Cun ah kyasei Bawipa ah khuut ka bi hmawk ah thawng ka kyum ciah kei naw ka ning m’tholet gui ci nei. Nangmi cu Khanpughi naw khü ne a ning m’düih nak gui awn ng’müi khai ah, hnu m’khin, ma m’hlawi ne nami ghin vai nei.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

2 KORIN 3:2

Nangmi nami mät cu chang avan naw hmat ne a phat vai ah, keimi ah m’lung ung guk ah ca ah nami kyak ci.

1 KORIN 13:7

M’Hni nak ung hnu ng’hlah nak kä om ci; m’hni nak ung yum nak, ngaih ü nak la hniimgei nak cu kä ng’chei phung ci.

1 KORIN 9:23

Nangmi awn a täng ah Thu Ni awn hrilham mi gah vai ah, Thu Ni ah hmawk ah shin gui cu ka bi ah kyak ci.

LAMKTU 21:33

Cun yah ung gaakap bawi gawk law ne Paul cu pha sak gui ne, m’si gui k’hnih awn pha ne khih sak gui ci. Cun kawn ah Paul cu a u chang ah a kyak la a i katnak a bi ah ng’shi k’ca gui ci.

1 PETER 5:1

Kei ka mät ah mäih ah khrithabum ung ang vaihta gui cu ka ning m’cäi gui ci nei. Bawi Khrit ah geinvai nak ah mawng saksi ci la dang lawk khai ah abämang nak ng’pai tuk ciah chang ah ka kiak nak awn ka ning m’cäi gui ci nei.

PHILIPPIAN 1:12

Phäi nau gui aw, kei naw ka buitang law gui naw, Thu Ni ka shäu nak ung akcang ah, a na yu chaan ah mawng cu ka ning hmat sak gui hlük ci nei.

PHILIPPIAN 1:13

Bawi Khrit ah changshäm ah ka kyak ah hmawk ah thawng ung ka kyum ah mawng cu, mang im ngäng ciah gaakap gui ami van la chang akda naw hmat ci gui nei.

PHILIPPIAN 1:14

Kei cun ah thawng ung ka kyum ah hmawk ah phäi nau gui akda pi naw, Bawipa ami yum nak cu khängtek law pi ci. Cun ah kya sei ng’thu, amshah ung Khanpughi ah ng’thu ami pyein nak ung ngahmi cu kä kyikyawk ne k’thamah law pi ci gui.

PHILIPPIAN 2:22

Nang mi naw Timothi ah hnün thawh la kei ni naw ng’pahta goi ah mäih ah Thu Ni ng’shäu ne kani bilawh cu nangmi naw nami hmat ci nei.

PHILIPPIAN 4:3

Ka ngaih u, ka ning paw nang naw, cun ah hnumi gui cu nam hteihtang tu gui vai nei. Ngah mi cu Thu Ni ng’shäu ne pyein nak ung kei awn a täng ah k’tha nah ne bilo ci gui ah kyak ci. Cun ah bi nak ung Clement la Khanpughi ah ghin nak ca-uk ung a ming om pyi ciah, a hei bilo tuk ciah chang gui phi om ci gui.

PHILIPPIAN 4:15

Nang Philippian chang gui, Kei cu Macedonia kho ung pawng ne Thu Ni cu ng’shäu ne ka pyein law htük yah ung, nang mi ah Khrithabum tumat hta bäng naw nam hteihtang ci, nang mi bäng naw van shin ah bi ung, a ghawi law, abä law ung phi, kawng ät ne, nami na bi püi cu na mi mät naw nami hmat ci nei.

PHILIMON 1:13

Thuni ah hmawk ah thawng ung ka kium yah ung, nang ah hnün ung om ne nam htei khai ah, ani cu ka om sak hlü te ci nei.