PHILIPPIAN 1:27 - Cho Bible Common Language 2016

²⁷ Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

PHILIPPIAN 1:27 Referans Kwoze

EPHESIAN 4:1

Cun ah kyasei Bawipa ah khuut ka bi hmawk ah thawng ka kyum ciah kei naw ka ning m’tholet gui ci nei. Nangmi cu Khanpughi naw khü ne a ning m’düih nak gui awn ng’müi khai ah, hnu m’khin, ma m’hlawi ne nami ghin vai nei.

1 KORIN 1:10

Phäinau gui aw, Mi Bawipa Jesuh Khrit ah huham awn kei naw nangmi cu ka ning m’cumcäi gui ci nei. Nami thu m’gawng ung nami kawng ät vai, cun ung nami ng’phyeekpai nak kä om khai. M’lung ngaih tumat, bü nak tumat ung nami kawng ät yawp vai.

2 PETER 3:14

Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.

JUDE 1:3

Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.

1 THESSALONIAN 4:1

Phäi nau gui aw, Khanpughi ah m’hni ah ghin nak ah mawng cu, keimi ah nami ng’thei tu pyi ci nei. Keimi naw kami ning m’thein gui ah mäih ah nami ghing ciah a kyak ung phi, cun natah bä pi sei nami ghin om thei vai ah Bawipa Jesuh ah ming ung ka ning m’cäi gui ci nei.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

PHILIPPIAN 3:18

Shin ah a mawng cu kei naw akda vei ka pyein pyi ci nei, tuhbäi phi leng ba ne ka ng’plitui awn ka pyein ba khai nei: Bawi Khrit Jesuh kutlam tung ung asih nak ah mawng cu hnu ng’tuk püi ne ani ah gaa ah kya ne ghing ciah chang akda om ci nei.

2 KORIN 13:11

Ka phäinau gui aw, gai ne om vä! Kümbe ciah chang ah nami kyak vai ah k’tha nah vä; kei ah ning m’cäi m’ä gui cu ngai ng’yah ne, tumat la tumat kawng ät u ne, dimdeeih nak awn om vä. M’hni nak la dimdeeih nak ah Khanpughi cu, nangmi awn a täng ah om khai nei.

LAMKTU 4:32

Yum ciah chang gui cu ami m’lung ngaih kawng ät u neh, a u naw phi amät ah khawh cham cu aka ah käm tung sei, ami khawh cham avan cu ami ka ghawm ah ngai ci gui.

SAM 133:1

Khanpughi ah chang gui m’lung ngaih ät sei atäng ah om cu, cäicat aih vai, yeikyai aih vai kyak ci nei!

JEREMIAH 32:39

Ami mät la ami htangshong ah nikyäp nak vai ah ami na kyih aa thei vai ah: ngami am ami ghin nak ah bünak atumat bäng ka pek khai.

2 PETER 3:11

Cun ah a päng avan a dimaih yawp ah a kyak ung, nangmi cu a i mäih ah chang ah kya ne nami om khai ang?

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

JAMES 3:18

Dimdeeih nak bik ci gui naw dimdeeih nak ung ami geit ah, geit m’shi ah am theihpai cu nikiom nak ah kyak ci.

PHILIMON 1:5

Khanpughi ah chang gui nam hni gui ah mawng la Bawipa Jesuh Khrit na yum ah mawng cu kang yak ci nei.

TITUS 2:10

kä ami m’guuk-en vai. Cun ah kä kya ne, ami nikiom nak la ami bekhüt nak ah mawng ami dang sak vai. Cun ung vah ngami cu ami bilawh nak phung ung, Hunbawipa Khanpughi ah mawng m’theithang nak cu dang law sak pi khai gui.

2 TIMOTHI 4:7

Kei cu ng’küükneet ne dawng nak ung ak ni pi bäih ah ka bi pyi ci nei, m’hnüt nak ung khüt sei ka dawng pyi ci nei, yum nak phi ka shum pyi ci nei.

1 TIMOTHI 1:19

Na yum nak htek ne nam lung ngaih theing ciim sä. Chang am shah gui naw ami lung ung ciim sei kä ngai yäi u ne, ami yum nak cu shet sak ci gui.

1 TIMOTHI 1:11

Shin ah theithang nak cu Thu Ni ung hmu ah Khanpughi ah bämang nak la phruhtheh nak ung ka lawk ciah Thu Ni, Kei naw ka shäu vai ah Khanpughi naw a na ap ah kya ci.

LAMKTU 2:46

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui.

MATTHE 12:25

Ngami ah m’lung ngaih cu hmat netah Bawipa Jesuh naw, “Khopäng tumat ung chang gui cu ami m’lung ngaih hnga hnga sei, ami mät gui ami ng’tuk-ah a kyak ung, cun ah khopäng cu kä shou pha sei, dimaih khai. Acun ah mäih ah m’lung ngaih kä kawng ät ciah pigaw, kä cun ung kyong khui cu kä khäng htek khai.

NG'THU K'THUUK~ 22:23

Bawipa naw ngami ah mawng ma cu pyen pe gui khai. Ngami m’kyihkyawk gui ciah ghin nak cu m’kyihkyawk khai.

1 THESSALONIAN 3:6

Tuhbäi Timothi cu law ba ne nangmi ah yum nak la m’hni nak ah mawng akbä akni ah pyein law ba ci. Nangmi naw keimi cu na shüm gui kheng geng u ne, keimi naw kami ning hmuh gui hlü ah mäih ah nami na hmuh gui hlü cu, nam thein law gui ci nei.

KOLOSE 1:4

Bawi Khrit ung nami yum nak ah mawng la Khanpughi ah chang avan nami m’hni nak ah mawng cu, kami ng’yak ci nei.

PHILIPPIAN 2:24

Kei ka mät cun phi kä shou pha sei nang mi ah ka law hning vai ah Bawipa ung ka ng’ap ci nei.

EPHESIAN 1:15

Cun ah kyasei Bawi Jesuh nami yum ah manwg la Khanpughi ah chang gui nami m’hni ah mawng ng’ya netah,

EPHESIAN 1:13

Nangmi changpakhui hei gui cun phi, hun nak ah mawng, Thu Ni ah kyak ciah, düng ciah Thu cu ngai ng’ya tu u ne, Khanpughi ah chang ah nami kya lawk ci. Nangmi naw Bawi Khrit nami yum lawk ci, cun ah kyasei, Khanpughi naw a shaitaak ah mäih ah Mumcha Theing cu ning m’shumphyuk gui ne, amät ah chang ah ning tüi m’hnüt gui ci.

KALATIAN 1:7

Akcang ah pyein ung Bawi Khrit ah mawng “Thu Ni ahei,” kä om ci, cun ung phi chang amshah gui naw, Bawi Khrit ah ng’Thu Ni cu m’hlat shüi shüi u ne, ning awng-aa sak gui ci gui.

2 KORIN 9:13

Shin ah bi nami bi nak awn chang akda naw Bawi Khrih ah mawng Thu Ni cu khäng sei ami yum tu ah phäh la, nami khawhchaam gui cu, ngami la chang hei gui am ng’khailang ne nami peitaak gui ah hmawk ah Khanpughi cu mi m’hlüngtai khai nei.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

ROMAN 15:29

Kei cu nang mi ah om nak ah ka law ah a kyak ung, Bawi Khrit ah hrilham ak be law püi ne ka lawk khai ah kei naw akcang ah ka hmat ci nei.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

ROMAN 10:8

Cacim theing ah pyein hlü cu: Khanpughi ah ng’thu cu nami pei ah om ci; Cun ah thu cu nami m’gawng awn pyein ne, nami m’lung ung nami m’küm ci,” ciah kyak ci. Cun ah thu cu kei naw ka ning m’thein gui ah Khanpughi yum nak ah mawng ah kyak ci.

ROMAN 1:9

Ahtapa ah mawng Thu Ni ng’shäu ne pyein ne, kam lung kyong avan ap ne, Khanpughi ah khuut cu ka bik ci.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

LAMKTU 24:24

Kho hnüüp a pi shou law khätah Felix cu ak chu Drusilla awn atäng ah lawk ci goi. Drusilla cu Judah hnumi ah kyak ci. Felix naw Paul cu khü sak gui netah, Bawi Jesuh Khrit yum nak ah mawng a pyein gui cu ngai ng’yak ci.

SAM 122:3

Jerusalem mang gaw cu kyom ne ng’ai khai ah ami k’süm ah kyak ci.

PHILIPPIAN 1:5

A htük ung tün ne tuhbäi ung khüt khai ah Thu Ni ng’shäu ne bilawh nak ung a täng ah nami na bilawh püi ah hmawk ah ka taigü päng ung ka yeikyai ci nei.

PHILIPPIAN 3:20

Mikmi cu khan im gaw chang ah mi kya u ne, khankho ah kaa mi Hunbawi Jesuh Khrit a kyum law vai cu mi ngäng ci.

PHILIPPIAN 4:1

Phäi nau gui aw, ang htei ah ning m’hni gui ne ka ning khaih na gui ci nei. Nang mi ah hmawk ah ang htei ah ka yeikyai ci nei. Kam hni ah phäi nau gui aw, Bawipa ung nami ghin nak khäng htek khai ah nami ng’düih vai nei.

1 SHONTÄP NAK 19:12

Cun kawn ah Joab naw ani am, “Sirian gui naw ami na hnim law na hmuh ah a kyak ung law ne na na bawm law vai, Ammonit gui naw ami ning hnim law ah a kyak ung law ne ka ning bawm lawk khai.