PHILIPPIAN 1:19 - Cho Bible Common Language 2016

¹⁹ Nang mi ah taigü nak la Bawi Jesuh Khrit ah Mumcha ah nam hteihtang nak awn cun cu kei ah phyawn law nak vai ah kyak ci.

PHILIPPIAN 1:19 Referans Kwoze

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

LAMKTU 16:7

Ngami cu Misia khogi ung ami gawk law yah ung Bithinia kho ah hteh vai ah tha nak ci gui.

2 KORIN 1:11

Nangmi naw keimi cu taigü nak awn nami nam htei gui vai. Nangmi akda naw nami k’taigü cu Khanpughi naw ngai ne, keimi cu hrilham na pe gui khai. Chang akda naw keimi ah hmawk ah ami k’aw m’hlaw ne, Khanpughi cu m’hlüngtai khai gui.

KALATIAN 4:6

Nangmi cu a hta gui ah nami dang vai ah, Khanpughi naw, “Pa, Ka Pa,” cine ng’khü ciah A Htapa ah Mumcha cu mi m’lung kyong ah yuk m’kyum lawk ci.

ROMAN 8:9

Cun ung phi Khanpughi ah Mumcha cu nang mi ung akcang ah om ciah a kyak ung, hnicim chang ah m’cäi ah kä om u ne, Mumcha Theing ah m’cäi ah nami om vai. Bawi Khrit ah Mumcha ah kä om nak ah chang cu Bawi Khrit awn kä ng’phaa ci.

1 KORIN 4:17

Acun ah mawng ung Timohti cu nangmi ah ka tüi lawk khai nei. Ani cu khritha ghin nak ung ngaih gep vai la bekhüt ciah ka hta ah kyak ci nei. Kei kamät naw läk netah akho päng Khrithabum gui ung kam theithang ah, Bawi Khrih Jesuh ung kawng ät nak ah ghin nak thai ah a mawng tung gui cu ani naw ngami am ning shüm hmat ba sak gui khai nei.

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

KALATIAN 3:5

Khanpughi naw Mumcha ning yuk m’kyum gui ne, cäi aih gui vai a ning hmuh sak gui cu, thukhän nami läk nak awn ang? Thu Ni ngai ne nami yum nak awn ang?

PHILIPPIAN 1:18

Thu pyein cu kä küikyang hnga ci, m’lung ngaih k’ni awn pyein ung phi, m’lung ngaih she awn pyein ung phi, Bawi Khrit ah mawng pyein ah kya sei, ka yeikyai ci, m’täi ne ka yeikyai lä khai.