PHILIPPIAN 1:16 - Cho Bible Common Language 2016

¹⁶ Cun ah chang gui cu, Thu Ni küikyan ne ka pyeinsak khai ah Khanpughi naw anam düih ah mawng cu, hmat u netah, yumhni nak awn pyeinsak ciah chang gui ah kyak ci.

PHILIPPIAN 1:16 Referans Kwoze

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.

PHILIPPIAN 1:12

Phäi nau gui aw, kei naw ka buitang law gui naw, Thu Ni ka shäu nak ung akcang ah, a na yu chaan ah mawng cu ka ning hmat sak gui hlük ci nei.

PHILIPPIAN 1:10

Cun ah kya sei nangmi naw ak ni pi cu nami ghü hning khai nei. Cun ung vah nangmi cu Bawi Khrit a law ba hnüüp ung, m’kat nak kä om ciah kä theingthap nak cu nami phiawn nak khai.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

SAM 69:26

Nang naw na m’kyuk cu ngami naw dukdeiu na tu ba ci gui; nang naw na leim bai sak nak gui awn geinvai sak ci gui ah mawng cu, ngami naw pyen ci gui.

JOB 6:14

Shin ah mäih khüikha nak ung ka om sangung kei ung bekhüt ciah teihpüi hlü ci nei — Kei naw Khanpughi ka nawng ung phi, kä ka shui ung phi.

JOB 16:4

Nang cu kei ah hnün ung om ne, kei cu nang ah hnün ung ka om vaisü ung, nangmi ah mäih ah kei phi ka ng’thu hning khai nei. Hmuhmat nak awn be ne ka lu phi ka k’thüng hning khai cun kawn ah tuinu ah mäih ah phu sei ng’thu ne ka ning hteh hning khai sü.

1 KORIN 9:17

Kei naw ka mät ah ng’päiom ah bi ka bik ciah a kyak vai sü ung ng’cheng ka gah khai süte: Cun ung phi shin ah bi cu Khanpughi naw a na ap ah kya sei bülüüng ne ka bi ah kyak ci.

PHILIPPIAN 1:5

A htük ung tün ne tuhbäi ung khüt khai ah Thu Ni ng’shäu ne bilawh nak ung a täng ah nami na bilawh püi ah hmawk ah ka taigü päng ung ka yeikyai ci nei.

PHILIPPIAN 2:22

Nang mi naw Timothi ah hnün thawh la kei ni naw ng’pahta goi ah mäih ah Thu Ni ng’shäu ne kani bilawh cu nangmi naw nami hmat ci nei.

PHILIPPIAN 4:3

Ka ngaih u, ka ning paw nang naw, cun ah hnumi gui cu nam hteihtang tu gui vai nei. Ngah mi cu Thu Ni ng’shäu ne pyein nak ung kei awn a täng ah k’tha nah ne bilo ci gui ah kyak ci. Cun ah bi nak ung Clement la Khanpughi ah ghin nak ca-uk ung a ming om pyi ciah, a hei bilo tuk ciah chang gui phi om ci gui.

PHILIPPIAN 4:15

Nang Philippian chang gui, Kei cu Macedonia kho ung pawng ne Thu Ni cu ng’shäu ne ka pyein law htük yah ung, nang mi ah Khrithabum tumat hta bäng naw nam hteihtang ci, nang mi bäng naw van shin ah bi ung, a ghawi law, abä law ung phi, kawng ät ne, nami na bi püi cu na mi mät naw nami hmat ci nei.