PHILIPPIAN 1:14 - Cho Bible Common Language 2016

¹⁴ Kei cun ah thawng ung ka kyum ah hmawk ah phäi nau gui akda pi naw, Bawipa ami yum nak cu khängtek law pi ci. Cun ah kya sei ng’thu, amshah ung Khanpughi ah ng’thu ami pyein nak ung ngahmi cu kä kyikyawk ne k’thamah law pi ci gui.

PHILIPPIAN 1:14 Referans Kwoze

1 THESSALONIAN 2:2

Nangmi ah om nak Thessalonika ah kä kami law pha ung, Philippi ah a i hawkcha ah shedam dukdeiu nak kami gah cu nami hmat ci nei. Cun hlawk ah hnu ng’tuk püi nak a om tu pang ung phi, Khanpughi naw amät ungka lawk ciah Thu Ni cu, ning m’thein gui vai ah thamah nak na pe gui ci nei.

KOLOSE 4:4

Na k’taigü pe vä, cun ung ka pyein vai ah ng’thu phung cu ang hteiing ah ka pyein hning khai nei.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

KOLOSE 4:7

Mi nau Tichikus, bekhüt ciah khuut bi, khüghaat ciah Bawipa ah changshäm naw, kei ah mawng avan cu ning m’thein gui khai nei.

PHILIPPIAN 4:1

Phäi nau gui aw, ang htei ah ning m’hni gui ne ka ning khaih na gui ci nei. Nang mi ah hmawk ah ang htei ah ka yeikyai ci nei. Kam hni ah phäi nau gui aw, Bawipa ung nami ghin nak khäng htek khai ah nami ng’düih vai nei.

EPHESIAN 3:13

Cun ah kyasei kä nami ng’yochaw vai, nangmi ah hmawk ah kei cu geinvai nak ka gah ci, cun cu nangmi ah ng’läh nak vai ah kiak ci, cun ah kyasei kä nami ng’yochaw vai nei.

2 KORIN 3:12

Keimi ung cun ah ngaih u nak om sei ang htei ah kami hluicang ci.

2 KORIN 7:4

Nangmi ka ning ngaih gep gui ci, nang mi ah phäh ah ka längtang ci! Zaica nak a i chü a om ung phi, kei cu k’thamah ne ang htei ah ka yeikyai ci.

PHILIPPIAN 1:20

Kei naw ak tung ah ka ng’yak hlü la ka ngaih u nak cu, kei naw a i yah ung phi ka bi mawng cu kä ka nawng khai, a i khin ung phi, a tuhbäi chü phi, kei cu khüighaat nak awn be ne, ka sih ung phi, ka ghin ung phi, ka ghin nak avan awn Bawi Khrit kam taamkhah khai, ciah kyak ci.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

MAKUH 3:3

Bawipa Jesuh naw a kut shuum ci-am, “Chang gui ah ma ah law ne ng’düi ä” cine pyen nak ci.