PHILIMON 1:7 - Cho Bible Common Language 2016

⁷ Kam hni ah phäihta, nam hni nak naw kei cu ang htei ah na yeikyai sak ne, nak thamah sak ci nei. Khanpughi ah chang gui phung cu phi ami m’lung na thawh sak gui ci nei.

PHILIMON 1:7 Referans Kwoze

2 KORIN 7:13

Cun cu dang sei keimi cu kami k’thamah ci. Kami k’thamah bäng ah kä kyak ciah Tutus cu m’hteihtang uk ci sei, ani a yeikyai cu hmuh u netah, ang htei ah kami yei kyai ci.

1 THESSALONIAN 3:9

Tuhbäi nangmi ah hmawk ah kami Khanpughi cu kami m’hlüngtai hning pyi ci nei. Nangmi ah mawng ung Bawipa ah ma ah keimi ah yeikyai nak a om ah hmawk ah kami m’hlüngtai ci nei.

2 KORIN 7:4

Nangmi ka ning ngaih gep gui ci, nang mi ah phäh ah ka längtang ci! Zaica nak a i chü a om ung phi, kei cu k’thamah ne ang htei ah ka yeikyai ci.

PHILIMON 1:20

Cun ah kyasei phäihta aw, Bawipa ah hmawk ah na bä nak awn cun ah na bi vai nei, Bawi Khrit ung phäi nau ah na kyak nak awn kei cu na thawlet sakä.

1 THESSALONIAN 2:19

Bawipa Jesuh a kyum law ba hnüüp ung, Bawipa ah ma ah nangmi ah mawng näng nak bäng pyein ne keimi kami ng’düng nak vai om ci. Cun kawn ah nangmi cu chang a hei gui ah kä nami ng’neim pi ci, nangmi cu keimi ah ngaih u nak la längtang nak ah nami kyak ci.

2 JOHAN 1:4

Na hta amshah gui cu, Khanpughi ah thukhän ah mäih ah, thudüng ung ami ghin cu hmat ne, ang htei ah ka yei ci nei.

2 TIMOTHI 1:16

Onesiphorus ni ah kyongkhui ung Bawipa ah chimgein nak om sä, ani naw akda vei kei ah lung cu na hüiyang sak ci nei. Kei cu thawng k’kium ah ka kyak ung phi, ani naw kei cu kä na ng’aa nak ci nei,

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

1 THESSALONIAN 1:3

Mi Pa Khanpughi ah ma ah nami yum nak cu akcang ah dang khai ah, a i hlawk ah nami om ih ah mawng, nami m’hni nak naw a i hlawk ah a ning khüghat sak gui ah mawng la Bawipa Jesuh Khrit ung nami ngaih u nak a i hlawk ah a khänhtek ah mawng cu kami shüm hmat ci nei.

1 KORIN 16:18

Ngami naw nangmi ah m’lung ami ning yei sak gui ah mäih ah kei phi na yei sak ci gui nei. Cun ah mäih gui cu chang m’sui nak gah khin ci gui nei.