PHILIMON 1:16 - Cho Bible Common Language 2016

¹⁶ Tuhbäi ani cu changshäm düt ah kä kya ba ci, changshäm ah mä taai ba pi ne, Bawi Khrit ung phäi nau ah kya lawk ci nei. Chang shäm ah a kyak nak la Bawipa ung kam hni ah phäi nau ah a kyak nak awn kei ah hmawk ah ang htei ah bäi ci. Nang ah hmawk ah cun ah tah bä pi khai nei.

PHILIMON 1:16 Referans Kwoze

KOLOSE 3:22

Changshäm gui aw, hnicim chang nami bawi cu, a päng avan ung nami ngaih vai nei, a ning täk gui la a ning m’cäi gui ah nami kyak bäng ah kä kyasei, Bawipa nami kyih aa nak awn m’lung theing awn nami hnünthawh peit vai.

MATTHE 23:8

Cun ung phi nangmi nami van cu ng’phäi nau gui ah nami kyak ci kia ne nangmi ung sayapa tumat bäng om ci kyasei, ‘Sayapa’ ciah khü vai kä nami ng’yak hlü vai.

1 TIMOTHI 6:2

Khritha bawimang gui ung khleihtein changshäm a om ah a kyak ung, kä ami shedam nak gui vai, phäi nau gui ah kyak ci, ciah ami ngaih vai. Ami hnün thawh peit gui cu, ami m’hni gui ah khritha gui ah kyasei, ngami naw k’tha nah pi ne ami hnün thawh peit gui vai ah kyak ci. Shin ah a mawng gui cu nang naw nam theithang na pyeinsak vai.

1 KORIN 7:22

Khleihteih tumat cu Bawipa naw a khü ah a kyak ung ani cu ng’päi om chang ah kya lawk ci; acun ah mäih ah ng’päi om chang tumat cu Bawi Khrih naw a khü ah a kyak ung, ani cu Bawi Khrih ah khleihtein ah kya lawk ci.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.

LAMKTU 9:17

Cun ah kyasei Ananias cu Soul ah om nak tu ah im ah hteit netah, ak khan ah a kut taih ne, “Ka nau Soul awi, na mik am dei ba vai lah, Mumcha Theing awn na be vai ah hmawk ah, na law nak lam ah na ma ah ng’dang ciah Bawipa Jesuh naw kei cu ana tüih law nei” ci neh pyein ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.