PHILIMON 1:11 - Cho Bible Common Language 2016

¹¹ A yan läi nang ah phäh cu a i ah kä mawng mei mante ci, tuhbäi nang la kei ah hmawk ah mawngmei lawk ci nei.

PHILIMON 1:11 Referans Kwoze

2 TIMOTHI 4:11

Luka bäng kei awn kani om ci nei. Makuh cu khü ne khah law püi baä, Ani cu kei ah bi nak ung na hun shawih hning khai nei.

1 PETER 2:10

Yanä nangmi cu Khanpughi ah chang ah kä nami kya man ci, tuhbäi ak chang ah nami kyak ci; yanä nangmi cu Khanpughi ah chimgein nak kä nami hmat man ci, tuhbäi ak chimgein nak nami gah pyi ci.

LUKA 15:32

Cun ung phi nang na nau cu ayan si te ci, tuhbäi ghing law ba ci, ayan maih te ci tuhbäi mi hmu ba ci. Cun ah kyasei mik mi cu mi yeikyai ne, ei awk nak mi bi püi ah kyak ci,” ci ne m’cäi gui ci.

ROMAN 3:12

Chang avan cu lam hma yawp ci gui nei, Chang avan cu a täng ah shekat yawp ci gui nei; Chang k’ni tumat phi kä om ci, tumat hta phi kä om ci nei.

LUKA 17:10

A cun ah mäih ah nangmi cun phi; ami ning bi sak gui avan nami bi yawp ung, “Keimi cu changshäm düt ah kami kyak ci, kami bi vai ah kyak ci cu, kami bi ah kyak ci nei, nami ci vai” ci ne m’cäi gui ci.

LUKA 15:24

Ka hta cu ayan asih te ung phi tuhbäi ghing ba ci nei, ayan a maih te ung phi tuhbäi hmuh ba pyi nei” cine akchang gui-am pyein ah gui ci. Cun kawn ah ngami cu ei aw ne yeikyai yawp ci gui.

MATTHE 25:30

A i ah kä mawng ciah shin ah changshäm cu, ak pung ah hmüp khui ung hteh püi vä, a cu ah kyap ne m’lau ne aha htui ne om sä’ cine kyak na gui ci.

PHILIMON 1:10

Cun ah kyasei Bawi Chrit ung ka hta ah kyak ciah Onesimus ah hmawk ah kei naw ka ning pa nak ci a i ah kyasei ci ung, thawng ka kium nak ah kei cu, mümcha lam ung ani ah pa ah ka kyak lawk ci.

PHILIMON 1:12

Kei naw ani cu nang ah ka tüi law ba ci, ani naw kei ah m’lung ngaih cu law püi ci nei.