PHILIMON 1:10 - Cho Bible Common Language 2016

¹⁰ Cun ah kyasei Bawi Chrit ung ka hta ah kyak ciah Onesimus ah hmawk ah kei naw ka ning pa nak ci a i ah kyasei ci ung, thawng ka kium nak ah kei cu, mümcha lam ung ani ah pa ah ka kyak lawk ci.

PHILIMON 1:10 Referans Kwoze

KOLOSE 4:9

Ani awn a täng ah bä ne bekhüt ciah mi nau nami chang Onesimus phi law tuk ci nei. Ngami naw, shi ah a i i ah a kyak ah mawng gui cu ning m’thein gui khai gui nei.

1 KORIN 4:15

Khritha ah nami ghin nak ung ning m’theithang gui khai tämkäp phyaa khak a om ung phi nami Pa cu tumat bäng ah kyak ci. Kei naw Thu Ni cu nangmi ah law püi ngä sei, Bawi Khrih Jesuh ung nami ghin nak tu awn kei cu nangmi ah pa ah ka kya lawk ci.

1 TIMOTHI 1:2

Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

KALATIAN 4:19

Kam hni ah ka hta nau gui aw! Bawi Khrit ah m’lung ngaih nangmi ung kä a om pha ah chuih, kei cu hta lawk khai ah nu ah mäih ah ka yaica ci nei.

TITUS 1:4

Kei awn yum nak täng ne ka hta akcang ah kyak ciah Titus am ca ka guk lawk ci nei. Pa Khanpughi la mi Hunbawi Khrit Jesuh naw geinsei nak la dimdeeih nak cu ning pe sä.

2 SAMUEL 18:5

Ani naw khän ne m’cäi gui ci, Joab ni, Absalom ni, Ittai ni gui cu, “Kei ah phäh ah chang nong Absalom cu kä nami ngawn vai nei.” Cun ah a bawi gui David naw am cäi gui cu gakap avan naw ng’yak ci gui.

MAKUH 9:17

Chang khli ah ng’lung ah ka chang tumat naw, “Bawipa, ka hta cu nang ah om nak ah ka law püi ci nei, khoshe naw a kai law ba päng ung,

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

1 KORIN 4:14

Shin ah ka guk cu nangmi ka ning lü ng’aa nak sak gui ah kä kyak ci, ka ning m’hni ah ka ning hta gui ka ning m’shüm thein nak gui ah kyak ci.

PHILIMON 1:11

A yan läi nang ah phäh cu a i ah kä mawng mei mante ci, tuhbäi nang la kei ah hmawk ah mawngmei lawk ci nei.

PHILIMON 1:13

Thuni ah hmawk ah thawng ung ka kium yah ung, nang ah hnün ung om ne nam htei khai ah, ani cu ka om sak hlü te ci nei.

3 JOHAN 1:4

Ka hta gui thudüng ung nami ghin ah mawng cu ng’ya ne ka yei ah kawn ah, kei na yei sak ci a i kä om ba ci nei.