OBADIAH 1:9 - Cho Bible Common Language 2016

⁹ Teman ng’tuk bi gui ng’thüng khai gui, Edom khaw ung gakap phung ngawn yawp vai nei.

OBADIAH 1:9 Referans Kwoze

AMOS 1:12

Cun ah kyasei kei naw Teman mang gaw khan ah mei yuk chah ne Bozrah mang paang cu ka m’khih khai.”

EZEKIEL 25:13

Tuhbäi kei naw ka ng’shäu ci, kei naw Edom cu m’kyuk ne, chang la seime ang nü ka ngawn khai. Kei naw Teman mang gaw ung ka naw Dedan mang gaw ung khüt sei ka shiu sak khai, chang gui cu ng’tuk nak ung ngawn gui khai gui.

JEREMIAH 49:22

Hmu naw angphia k’phiant ne amtawn ah mäih ah ga gui naw Bozrah cu tuk khai gui. Cun ah hnüüp ung Edom gakap gui cu anau poi m’hneh ciah hnumi ah mäih ah kyi kyawk khai gui.”

ATÜNNAK 36:11

Eliphaza ah hta gui cu; Teman, Omara, Zepho, Katam la Keneza ah kyak ci.

JEREMIAH 49:20

Cun ah kyasei Edom chang gui hnungtuk püi gui vai ah ka pawng püi cu ngai vä, Teman mang gaw chang gui ung kei naw bi vai ah ka pawng püi phi ngai vä. Ami hta nau gui cu sawkaih gui khai gui, chang nü cu kyi kyawk khai.

JEREMIAH 49:7

Shin cu Edom ah mawng m’gäi ciah Bawipa naw a pyen ah kyak ci; “Edom chang gui naw nik ciah ami m’kheicha nak gui maih sak u ne ma? Ngami m’shüm thein ciah chang gui naw a i bi vai cicu kä m’thein ba gui u ne ma? Ami cüivai nak avan cu maih yawp ne ma?

JOB 2:11

Job ah teihpui gui thum cu Eliphay, Teman ah ka, Bidad, shua khaw ah ka, la Zophar, Naamah khaw ah ka ah kyak ci gui. Ngami naw Job a i hlawk ah akhüikha cu ng’ya u netahteit ne m’htei tu vai ah kbai ci gui.

OBADIAH 1:21

Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”

AMOS 2:16

Cun ah hnüüp ung a nget pikbäih ah gakap gui naw ami likhim chah ne dawng khai gui.” Bawipa naw thu a pyen nei.

NAHUM 3:13

Na gakap gui cu hnumi ah mäih ah kyak khai gui, Na khaw lei phi a u naw kä ngäng sei, na ga gui ah ma ah na m’kawt khaai nak gui cu mei naw m’khih yawp khai.

THULÄÄN NAK 2:5

Cun ung phi ngami ma ne kä nami ng’tuk püi gui en vai. A i ah kyasei ci ung ngami ah khaw ng’leh ät hta phi kei naw nangmi am kä ka ning pe gui khai. Kei naw Edom cu Esua ah htangshon gui am ka pe pyi ci.

OBADIAH 1:5

“Khomü ah m’guk ei gui ami law ung ami ng’yak hlü bäng hteh püi ci gui. Chang gui naw sing theih ami k’bih law ung api k’pawih na kheng geng ci gui. Cun ung phi nami ga naw akbe ah ning tu gui ci nei.

HABAKKUK 3:3

Khanpughi cu Edom khaw ah ka law ba ci nei; Khanpughi theing cu Paran m’htung ah ka kyum lawk ci nei, Ani ah hlüngtai nak naw khankho cu küm ci’ khomdek cu ani m’taam nak awn be ci nei.