OBADIAH 1:5 - Cho Bible Common Language 2016

⁵ “Khomü ah m’guk ei gui ami law ung ami ng’yak hlü bäng hteh püi ci gui. Chang gui naw sing theih ami k’bih law ung api k’pawih na kheng geng ci gui. Cun ung phi nami ga naw akbe ah ning tu gui ci nei.

OBADIAH 1:5 Referans Kwoze

JEREMIAH 49:9

Chang gui naw sapyit ami k’bih ung ang shun ung api k’pawih nak ci gui, m’guk-ei gui mü ung law u ne ami ng’büh nak vai bäng lak ci gui.

THULÄÄN NAK 24:21

Nami sing theih gui hnü ät nami k’bih law ah a kyak ung, sapyit cu ak hnih vei nak ah ng’hlat ne kä nami bih ba vai, nawng shüt ah sing theih gui cu khaw hei chang gui, hmeinu gui, hmei hta gui ah phäh kyak ci.

ISAIAH 17:6

Chang apihta bang k’pawih ba khai gui, Israel gui cu am theih avan kbih yawp kawn ah a pam ah pum goi thum hta om ba ciah dise kä cung aka ng’ban ung apihta am theih k’pawih ba ciah mäih ah kyak khai gui. Kei, Bawipa Israel khanpughi naw ka pyen nei.”

ZEPHANIAH 2:15

Shin cu amät ah huham awn khähghah ne, phyawn pyi nei cine, ngai ciah mang gaw ah khan ah kya lawk khai ah amawng gui ah kyak ci. A chang gui naw ami mang gaw cu khomdek khan ung dämduh pikbäih ciah ngai ci gui. A i hawkcha ah shiu ciah hmun ah kya lawk khai aw? Pya masa gui ah lum nak ah hmun ah kya lawk khai nei! Sunpah ciah chang pang naw kyih ne hteh tak khai gui nei.

MIKHAH 7:1

Ngaih u vai kä om ci. Kei cu sing ung am theih kä hmu ne, sapyit ung am theih kä hmu ne, ei ah cawi ciah mäih ah ka kyak ci. Am theih avan, sing theih avan bih yawp ah kyak ci.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

JEREMIAH 50:23

Babilonia naw khomdek khan avan cu khai ne ng’deng khaiah ng’kii awn teei ci, tuhbäi cun ah ng’kii cu ng’bäät pyi ci nei! Cun ah khopäng ah khai ah cun ah a kyak law ah phäh ah pakhui gui avan cu m’lau ci gui nei.

ISAIAH 24:13

Khomdek khan avan khopäng pang ung awnah kyak khai nei. Cun cu geitkhäm ang pyi ah mäih ah kyak khai, Olive sing a ghing päng ung ka aktheih ak hnu ah k’bih yawp ah mäih ah kyak khai.

ISAIAH 14:12

Babilonia ghangpughang khang ciah thaihke aisi, nang cu khan khaw ah ka na kya kyum ci nei! Acau läi nang naw chang pakhui gui na näng man ci, cun ung phi tuhbäi m’dek ung ning yuk ghawt ci gui nei.

2 SAMUEL 1:19

“Israel m’htung gui ah khan ah mi ng’vai gui cu sik ci gui nei! M’gäi pi ciah mi bawi gakap gui cu yung kyak ci gui nei!

THU PHLAAN 18:10

Ngami naw ani ah geinvai nak cu hmu u ne, ang htei ah kyikyawk u ne, asho nak ah ng’düi u netah, “Hlüngtai küikyang ciah mang gaw, Babilon! Cäi-aih vai thüi aih vai kyak ci nei. Nang cu nayi ät hta ah kyong ung m’shetkat nak na gah pyi ci nei” ci ne kiak khai gui nei.

JEREMIAH 6:9

M’gäi ciah Bawipa naw na pyen nak ci, “Sapyit ghin ung ah ak theih k’bih züm züm ah mäih ah Israel gui cu heng züm züm vai nei. Cun ah kyasei akhin a om yah ung chang nü nami gun vai nei.”

OBADIAH 1:9

Teman ng’tuk bi gui ng’thüng khai gui, Edom khaw ung gakap phung ngawn yawp vai nei.