OBADIAH 1:3 - Cho Bible Common Language 2016

³ Na khähghah naw ning m’hleei ci, Na mang gaw cu kheng lung ah m’liu ci; Na im cu khomhtung pha ne hlüng ci, cun ah kyasei na mät ng’htau ne, ‘A u naw kä na buh tawn hlawt khai ang?’ na cik ci.

OBADIAH 1:3 Referans Kwoze

JEREMIAH 49:16

Chang aha nami ng’shei nak naw ning m’hleei hlak gui khai. Chang gui naw nangmi naw ami kyak vai nami ngaih hlawk ah kä ning kyih gui khai gui. Nangmi cu lung song gui ah khan, m’htung hlüng gui ah khan ung nami om khai; cun ung phi nangmi cu hmu ki ung ah mäih ah ah lüng nak ung nami om ung phi Bawipa naw ning yuk cha ba gui khai. Bawipa naw a pyen nei.”

NG'THU K'THUUK~ 29:23

Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

ISAIAH 16:6

Judah chang gui naw pyen u ne, “Moab chang gui a i hlawk ah chang ah ami ng’shei cu mikmi naw mi ng’yak ci nei. Ngami cu m’ghämee, chang k’om u sei mi hmat gui ci, cun ung phi ngami ah khähghah nak cu akholä ah kyak ci.”

2 GHANGPUGHANG GUI 14:7

Amaziah naw Edomit gakap phia phia gha cu khongnawi ung ngawn gui ci; ani naw Sela mang gaw cu tu ne khäm neta Jektheela ah aming sui ci, cun ah ming cu tuhgüt om ci.

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.

JEREMIAH 49:4

A i ah kyasei kä nami bekhüt ciah chang gui ami khähghah ang? Nami k’thagui cu ng’kia pyi ci nei. A i ah kyasei nami huham ngaih u ne, a u naw kä ning tu aat gui hlawt khai ah nami pyen ang?

NG'THU K'THUUK~ 18:12

Am’lung ka ng’neim sak ciah chang cu a u naw ka chang m’sui ci. Chang omshe gui cu ami di nak vai ah lam ung om ci gui.

NG'THU K'THUUK~ 16:18

Chang ah ng’shei nak cu di nak ah kyak ci, chang yoshe nak cu shum nak ah kyak ci.

2 SHONTÄP NAK 25:12

10,000 pha gui ci gui. Ngami naw cun gui cu Sela mang gaw pei lungpang m’htung lai ung hteh püi neta, yuk buhlit gui ne ngawn gui ci gui.

2 SHONTÄP NAK 25:11

Amaziah cu k’tha la ba neta, a gakap gui matawn ne, m’shikhaw ng’nawi ah hteit ci gui. A cu ah ngami Edomit gui cu tu ne 10,000 ngawn gui ne,

JOB 20:6

Ani cu khomik hanpha ne ng’shäi ne, a lu naw khong mei pha khai ah adämduh ung phi,

JEREMIAH 21:13

Nang, Jerusalem cu khongnawi ah khan hlüng ne na ngok ci nei, cun cu kho zaw ung hang tho ciah lungksong ah mäih ah kyak ci nei. Cun ung phi kei naw hnung tuk ne ka ning tuk püi khai nei. Nang naw, a u naw kä na tu gui hlawlt khai, nami ng’vong pang phi a u naw kä m’shet hlawt khai nami cik ci.

JEREMIAH 37:9

Kei, Bawipa naw ka ning thukbäigui cu, Babilonian gui kä law ba khai gui cine ngai ne, nami mät naw nami mät kä nami m’hleei en vai nei, a i ah kyasei ci ung ngami cu law ba khai gui nei.

JEREMIAH 48:28

“Moab ung om ciah nanmi gui, nami gawnu gui cu nawng vä! Lungkheng pang ung hteit ne om vä! Akawk nak un gangbu tu thei cial müm ah mäih kya vä.

ATÜNNAK 36:8

Cun ah kyasei Esau cu Edom khawgui ah hteit ne om ci.

EZEKIEL 28:16

Nang cu yoi ne hleih ne na tawt law ci, acun naw kiawimsaa nak la katnak ung ning hteh püi ci. Cun ah kyasei theingcim ciah ka khomhtung na hteh tak vai ah ka ning k’tut ci, nang ning ngäng ciah khanchang naw nang cu pyü ciah lungka ning k’täm ci.