OBADIAH 1:21 - Cho Bible Common Language 2016

²¹ Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”

OBADIAH 1:21 Referans Kwoze

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

JAMES 5:20

Cun ah cheishoh ciah chang lam a hma nak ungka khü ne law püi ba ciah chang cu, cheishoh ciah chang ah mumcha sik nak ung kaa phiawn sak ne, a cheishoh nak gui phung m’geinsei nak a gah vai ah m’hteihtang ciah kyak ci, ci cu nami hmat vai nei.

ZEKHARIAH 14:9

Cun kawn ah Bawipa cu khomdek khan avan ung ghangpughang ah kya lawk khai; chang päng naw Khanpughi ah kyak ci, cine khawihnah khai gui, acun ah ming cu hmat khai gui.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

1 TIMOTHI 4:16

Geik na ne om ne nam theithang vai nei. Shin ah a mawng gui cu k’tha na ne na bilawh vai nei, cun ung na mät la na thu ngai yak ciah chang gui cu hun nak gah khai gui nei.

SAM 22:28

Bawipa cu ghangpughang ah kyak ci, changpakhui avan cu uk ci.

LUKA 22:30

Nangmi cu kei ah uknak kho ung kei awn a täng ah nami ei aw tuk khai. Cun kawn ah mang ah kiang ung ngo u netah, Israel pakhui gha-lei-goi cu nami uk khai nei” cik ci.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

ISAIAH 19:20

Cun gui cu m’gäi ciah Bawipa Egypt khaw ung amoah amwng ang dang nak ah kyak ci. Cu ah om ciah chang gui cu zawk’she na gui u sei, am hteihtang gui vai ah Bawipa khü u sei, ani naw ngami gang gui khai ah chang tumat tüi khai.

SUKI GUI 2:16

Cun kawn ah Bawipa naw Israel gui am, tu gui ciah ga gui ung hun gui khai ah ami ng’vai gui cu pe gui ci.

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

THU PHLAAN 19:6

Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

MATTHE 6:10

Na uknak gawk law sä; Khankho ah mäih ah m’dek khan ah phi nang yak hlü cu kümbe sä:

JOEL 2:32

Cun ung phi Bawipa ah ng’huipaa ci phung cu hun gui khai. Bawipa naw a pyen ah mäih ah, Jerusalem ung am shah cu phyawng khai; kei naw ka ghü gui cu k’pawih khai gui.

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

DANIEL 7:14

Ani cu huham nak, m’tamkhah nak la bawimang nak huham ami pek ah kyak ci. Cun ah kyasei changpakhui gui, pahta gui, pa ng’tän gui avan naw a bi bik ci gui. Ani ah huham cu kä ng’pyi hlawt khai, ani ah uknak khaw cu kä maih hlawt khai.

DANIEL 2:35

Ang ghit ah m’sii ni, m’deknai ni, kyei ni, ngui ni, ghui ni gui cu, khui ne ng’pyäih ne, cha-khaw ah htang leh nak ung m’vut khui ah mäih ah kyak ci gui nei. Khokhi naw cun gui avan cu yon yawp sei, api phi kä pawih ba ci. Cun ung phi lung nu cu däm law ne, khomhtung nu ah kya law ne khomdek khan avan cu küm ci.

SAM 102:15

Chang pakhui gui naw Bawipa cu kyih khai gui; m’dek khan ghangpughang gui naw a huham cu kyih khai gui nei.

2 GHANGPUGHANG GUI 13:5

Siria gui ah kut ungka k’phyawn gui khai ah ami ng’vai cu Bawipa naw Israel gui am tüih gui ci. Cun ah kyasei Israel gui cu a cau ka ah mäih ah dimdeeih sei om ci gui.

SUKI GUI 3:9

Cun kawn ung Israel gui cu Bawipa ah ma ah kyap ne m’lau ci gui, cun ah kyasei ngami m’hlaut gui khai ah chang cu ani naw tüi lawk ci. Cun cu Kaleb ah nau ak hmaw pi Kenaz ah hta Othniela ah kyak ci.

NEHEMIAH 9:27

cun ah kyasei ngami cu ami ga gui am näng sak gui ne na uk sak gui ci. Ngami ami khüikha yah ung na m’htei gui vai ah ning thäh u sei, Khankho ah ka naw na m’shang gui ci. Dämduh ciah na chimgein nak awn ami ga ung gung gui khai ah angvai gui cu na tüih pe gui ci.

SAM 47:7

Khanpughi cu m’dek ah khan avan ung ghangpughang nei; Ng’äi m’cu ne m’taam vä!

SAM 67:4

Chang pakhui avan yeikyai ne ng’äi m’cu u sä; A i ah kyasei ci ung nang naw dü khai ah na m’khoi m’chak gui ci, khomdek khan ung changpakhui avan lam na m’shüm ci.

ATÜNNAK 25:23

Bawipa naw ani am, “Na puk kyong ah chang pakhui hnih om ci, Nang cu ng’lakmah ciah chang pa hnih ah na hta khai. Tumat cu gai pi khai, Ang vaipi cu ak hmaw pi ah täkphan ah om khai” cine pyen nak ci.

SAM 22:29

M’gäi ciah chang gui avan cu ama ah kawp khai gui; Chang neng gui avan cu ak ka ah ng’bawlawk khai gui.

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

MIKHAH 4:7

Ngami cu ng’khem u ne im awn ng’shawng ci gui, cun ung phi ami k’pawih nak gui cu kei naw akthai ah ka tün ba sak gui khai. Ngami cu pakhui küi ah kya ba khai gui, Kei naw ngami cu Zion m’htung ungka naw khonglän ung ka uk gui khai.”