OBADIAH 1:18 - Cho Bible Common Language 2016

¹⁸ Jakob la Joseph ah chang gui cu mei ah mäih ah kya u ne, Esau ah chang gui cu mei ah uih ah mäih ah m’di khai gui. Esau ah hta ng’shon a u kä pawih khai. Kei, Bawipa naw ka pyen nei.

OBADIAH 1:18 Referans Kwoze

ZEKHARIAH 12:6

“Cun ah a khin ung Judah pakhui cu bung ah mei ah mäih, lai htang gong chawng ui ciah mei ah mäih ah ka pyang khai — cun naw a pei ng’leng ah pakhui gui avan cu m’di khai. Jerusalem chang gui cu mang gaw kyong ah phyawng ne om khai gui.

ISAIAH 10:17

Khanpughi, Israel gui ah akdei cu mei ah kya lawk khai nei. Israel gui ah theingcim ciah Khanpughi cu mei m’lei ah kya lawk khai nei. A cun naw hnüüp ät bäng ung ng’hlingcam la hling gui mah mah ah apäng cu ui yawp khai.

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

EZEKIEL 37:19

na m’thein gui vai, kei, uktu Bawipa naw ka lak ah singtawn cu Israel ah kya ne, ka m’khah nak ah ka lak ah singtawn cu Judah ah kyak ci. Cun goi hnih cu kei naw tumat ah pyang ne, ka kut ungka kawt ci.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

1 KORIN 3:12

Chang amshah gui naw cun ah ng’leileh ak khan ah ghui ni, ngui ni, vailung ni awn cokyang khai gui; chang amshah gui naw sing ni, m’ghaw ni, htang gong ni awn cokyang khai gui.

NAHUM 1:10

Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

OBADIAH 1:16

Ka chang gui naw m’kyuk nak ah khap a kha cu theingthap ciah ka khomhtung khan ah awk ci gui nei. Cun ung phi a peileng ah pakhui gui avan naw cun ah kha pi ciah m’kyuk nak ah khap cu awk khai gui nei. Cun gui avan cu aw yawp u neta akholä ah kyak khai gui nei.

AMOS 6:6

Nang cu sapyit tui k’am ung be ci aw ne, tui ng’ui akni pi na mang ci, cun ung phi Israel ah dishum ah phäh ah kä na thüisei ci.

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

JOEL 2:5

Ngami cu khomhtung lai ung ng’pet u ne, ng’se yatha ah mäih ah känggäng ci gui; khu chawng mei ah uih ah mäih ah ng’ging ci gui, Ngami cu ng’tuk bi ge khai ah gakap ah mäih ah ng’kyäng ci gui.

EZEKIEL 37:16

Ani naw pyen ci, “Hnicim chang, sing tawn tumat la neta, acun ah khan ah shin ah ng’thu cu gu ä, ‘Judah uknak khaw.’ Sing tawn ahei tumat la ba ne shin ah ng’thu cu gu ä, ‘Israel uknak khaw.’

ISAIAH 47:14

“Ngami cu kou ah mäih ah kyak ci gui, mei naw m’khih gi yawp khai! Ngami cu ami mät naw ami mät hun vai ah phi kä näng khai gui meidäi cu ngami ah phäh ah ling aih khai, mei awm vai ah mäih düt ah kä kyak ci.

ISAIAH 31:9

Ami mangbawi cu kyi ne dawng khai, ami bawi gui cu kyih aih u’ne, ami ng’tuk nakung alan gui cu nawng shüt khai gui.” Bawipa naw ng’thu pyen ci — Bawipa, Jerusalem ung ami khawihnah, ani ah mei cu khawihnah m’khih nak vai ah di ci nei.

2 SAMUEL 19:20

Bawi aw, kei ka hma ciah ka hmat ci nei, Tuh ngawi, ka bawi mang, a siip lam pakhui ungka ak htük bäih ah nang ning hmu lawk ci cu, kei ah kyak ci nei” cik ci.

ISAIAH 9:18

Chang gui ah cheishoh nak naw hling k’cam la hling gui mei naw a uih ah mäih ah ui ci. Cun cu bung hmu mei naw ui sei meikhu a tawt ah mäih ah ui ci.

ISAIAH 9:19

A i ah kyasei ci ung m’gäi ciah Bawipa cu m’lungshe ci, ami ah m’kyuk nak naw khaw avan cu mei ah mäih ah ui ci, Chang avan m’di ci, cun cu a chang ami ah phäh ah kyak ci.

JEREMIAH 11:23

Anathoth chang gui ah khan ah leigai ka law püi nak vai ah a khin cu kei naw ka k’bäi pyi ci nei, cun ah khin a gawk law ung ngami ung ka a u kä k’pawih khai nei.

AMOS 1:8

Kei naw Ashdod la Ashkelon mang gaw uktu gui cu ka m’hnawn gui khai. Kei naw Akron mang gaw cu ka m’kyuk khai, ami k’pawih nak gui ah Philistin gui ami van sik khai gui.”

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

PHYAWN NAK 5:12

Cun ah kyasei chang gui naw Egypt khaw avan ung hteit ne htang gong shui ci gui.