OBADIAH 1:17 - Cho Bible Common Language 2016

¹⁷ “Cun ung phi Zion m’htung ah am shah gui phyawng khai gui, cun cu theingcim ciah hmun ah kyak khai. Jakob ah chang gui naw ami gah vai ah khaw cu khäm khai gui.

OBADIAH 1:17 Referans Kwoze

THU PHLAAN 21:27

Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.

AMOS 9:8

Kei, Uktu Bawipa naw, shin ah cheishoh ciah Israel Uktu khaw cu ka ngäng cinei. M’dek ah khan ung kei naw ka maih sak khai nei. Cun ung phi Jakob ah hta ng’shon avan cu kä ka m’di gui khai nei.

JOEL 2:32

Cun ung phi Bawipa ah ng’huipaa ci phung cu hun gui khai. Bawipa naw a pyen ah mäih ah, Jerusalem ung am shah cu phyawng khai; kei naw ka ghü gui cu k’pawih khai gui.

JOEL 3:17

“Israel gui, nangmi naw nami hmat khai, Kei cu Bawipa nami Khanpughi nei. Kei cu ka khomhtung theing Zion ah khan ah ka om ci. Jerusalem cu mang gaw theing ah kyak khai; Akho hei chang gui naw kä näng ba phung khai gui.

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

JEREMIAH 46:28

Kei cu nangmi ah law ne ka ning hun gui khai. Kei naw ka ning püi pyang sak nak gui ah pakhui khaw avan cu kei naw ka m’di gui khai. Nangmi cu kä m’kyuk ah kä ka ning hteh sak gui khai; cun ung phi kei naw ka ning m’kyuk gui ung akdei dang ah bik khai. Kei, Bawipa, naw ka pyen nei.”

ISAIAH 46:13

Kei naw näng nak ah khohnüüp cu ng’et khai ah ka law püi ci nei Cun cu kä shou aih ci nei. Kei ah näng nak cu kä shou aih ci nei. Kei ah näng nak cu kä shou cang khai nei. Kei naw Jerusalem cu ka hun khai a cu ah Israel gui m’tamkhah nak cu ka law püi khai nei.”

ISAIAH 1:27

A i ah kyasei ci ung Bawipa cu düng ci, Jerusalem la a cun ung om ciah ng’zuba ciah chaung päng cu ani naw hun khai.

ZEKHARIAH 8:3

Kei cu theing ciah ka mang gaw Jerusalem ah ka hteit ba khai, a cu ah ka om khai nei. Cun ah mang gaw cu bekhüt ciah mang gaw ah hmat khai gui, hlüngtai ciah Bawipa ah khawgui gui cu, theingthap ciah khawgui ah khü khai gui nei.

JEREMIAH 44:28

Cun ung phi nangmi ungka chang api cu sih nak ungka laut ne Egypt ah ka Judah ah nami law ba khai. Cun kawn ah k’pawih ba ci gui naw kei ah ng’thu ang, ahei ah ng’thu ang abä ah hmat khai gui.

JEREMIAH 44:14

Judah chang gui Egypt ah hteit ne om khai ah lawk ci phung cu a u kä k’pawih khai, kä phyawng khain. Chang tumat phi ami om nak ba vai ah Judah khaw ah kä law ba khai. Geinvai ci gui api ah kawn ah a u phi kä law ba khai” cik ci.

EZEKIEL 7:16

Am shah gui cu khongnawi ungka kyi ne zong ciah mümkha gui ah mäih ah khomhtung tang ah dawng ne phyawng ci gui, Ngami ami van cu ami katnak ah phäh ah thüi sei khai gui.

SAM 69:35

Ani naw Jerusalem cu hun ne, Judah kho gawnu gui phi sa ba khai. A chang gui cu acun ah khaw ung om u ne, cun ah khaw cu khäm khai gui;

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

ZEKHARIAH 8:12

Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.

ISAIAH 65:9

Judah pakhui ah kyak ciah Israel gui cu kei naw hriham ka pe gui khai, ngami ah ani hta ng’shon gui naw, kei ah khongui khaw cu ka nak khai gui. Kei ah ka ghü ah chang gui, kei ah ka khut bik ci gui cu, a cun ung om khai gui.

JEREMIAH 31:23

M’gäi ciah Bawipa, Israel khanpughi naw pyen ci, “kei naw chang gui cu ami khaw ung ka m’thawh ba gui ung, Judah khaw la gaw nu gui ung ngami naw pyen bam ä khai gui, ‘Theingthap ciah khomhtung Jerusalem, Theingcim ciah hmun a om nak cu Bawipa naw hriham pe sä!’

EZEKIEL 36:12

Ka chang gui, Israel gui, khaw ung nami om ba khai ah ka ning law püi ba gui khai. Cun cu nami mät khaw ah kyak khai, nami hta nau gui ah khin ung phi kä shum ba phung khai.

DANIEL 7:18

Hlüngtai ciah Khanpughi ah chang gui naw, bawi mang huham cu gah u ne, khonglän ung kut shum khai gui.”

JOEL 3:5

Nangmi naw ka ghui, ka ngui la bühmang ciah ka m’küm cu Taigüim kyong ah nami hteh püi ci.