OBADIAH 1:16 - Cho Bible Common Language 2016

¹⁶ Ka chang gui naw m’kyuk nak ah khap a kha cu theingthap ciah ka khomhtung khan ah awk ci gui nei. Cun ung phi a peileng ah pakhui gui avan naw cun ah kha pi ciah m’kyuk nak ah khap cu awk khai gui nei. Cun gui avan cu aw yawp u neta akholä ah kyak khai gui nei.

OBADIAH 1:16 Referans Kwoze

JOEL 3:17

“Israel gui, nangmi naw nami hmat khai, Kei cu Bawipa nami Khanpughi nei. Kei cu ka khomhtung theing Zion ah khan ah ka om ci. Jerusalem cu mang gaw theing ah kyak khai; Akho hei chang gui naw kä näng ba phung khai gui.

JEREMIAH 49:12

“M’kyuk vai ah kä kyak ciah chang gui hman naw m’kyuk nak ah khap ami awk ah a kyak ung, nangmi cu kä m’kyuk ah nami hteit khai ah nami ngai ne ma? Ka nei, nangmi cu awn ah khap ung nami awk khai nei!

1 PETER 4:17

M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

HABAKKUK 1:9

“Ngami ah gakap gui cu kyih vai ah näng nak awn ma law u sei, chang van naw kyih gui khai nei. Ami pha ah chang gui cu laigin chü lawk khai gui.

ISAIAH 42:14

Khanpughi naw pyen ci, “Khaw akshou ung düm ah ka om ci; ka chang gui kä ka m’shang gui ci. Cun ung phi tuhbäi hnün thawh nak vai ah akhin gawk lawk ci nei; Nau poi m’neh ciah hnumi ah mäih ah kei ka m’lau ci nei.

NG’ÄI KYAH 4:21

Gaih vä, Edom la ung chang gui, Nami leigai phi gawk lawk cinei, nangmi cun phi nami k’plui ah lüng’a ne nami kyu shüi shüi khai nei.