OBADIAH 1:15 - Cho Bible Common Language 2016

¹⁵ “Kei, Bawipa naw pakhui avan ka m’khoicha nak vai ah a khin cu ng’et lawk ci nei. Edom, na bi gui phung cu nang ah khan ah bi ba vai nei. Na pek ah mäih ah na gah ba khai nei.

OBADIAH 1:15 Referans Kwoze

HABAKKUK 2:8

Nangmi naw changpakhui akda nami guttep ci, tuhbäi om ba ci gui naw ning guttep tuba gui khai gui. Chang nami ngawn ah phäh la m’dek chang gui hnungtuk püi ne ami mang gaw gui nami m’shet ah phäh ah ning ci tuba gui khai gui.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

MATTHE 7:2

Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

EZEKIEL 30:3

Bawipa ah a hnün thawh nak vai ah hnüüp cu ng’et lawk ci nei. Khongmei naw a shung nak ah hnüüp, pakhui gui ah khüikha nak ah hnüüp cu ng’et lawk ci nei.

MIKHAH 5:15

Dämduh ciah ka m’lungshe nak awn, kä na ngai ciah pakhui avan ah khan ah phu ka tuk khai.”

JEREMIAH 50:29

“Likap gui naw Babilonia ami tuk vai ah m’thein gui vä. A i hawkcha ah li la m’la bi vai ciah hmat ciah chang nü cu tüi vä. Mang gaw cu kei vä, a u phi käk’phiaan en vä. Ani abi gui avan ah phäh ah pe ba vä, a ni naw chang gui a om püi ah mäih ah om püi tu ba vä, a i ah kyasei ci ung, ani naw ng’shei ne kei, Israel ah Theingzim ci Tumat cu ana hnung tuk püi ah phüh ah kyak ci.

SAM 137:8

Babilon, nang cu na di khai nei. Keimi ah khan ah nang naw na bi ah hmawk ah ning thung ba ne bik ciah chang ah khan ah yeikyai nak om sä,

JOEL 1:15

Bawipa ah hnüüp cu ng’et ci nei, cun ah hnüüp ung m’gäi ci naw dishum nak law püi khai. Cun ah hnüüp ung a lawpüi vai cu kyih aih vai kyak ci nei!

EZEKIEL 35:15

cun cu kei, ka mät ah kaa, Israel a shiu yah ung nang na yeikyai ah mäih ah kyak ci. Seir khomhtung gui, Edom khaw avan cu shiu khai nei. Cun ung chang nü naw kei cu Bawipa ah na hmat khai.”

JEREMIAH 49:12

“M’kyuk vai ah kä kyak ciah chang gui hman naw m’kyuk nak ah khap ami awk ah a kyak ung, nangmi cu kä m’kyuk ah nami hteit khai ah nami ngai ne ma? Ka nei, nangmi cu awn ah khap ung nami awk khai nei!

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

JOB 24:1

A i ah kyasei Khanpughi naw ani ah khut bik ciah chang gui ah phäh ah ng’thumcha nak la taga nak ah a khin cu kä a m’hnüt law ang?

JEREMIAH 51:56

Ngami cu Babilon m’di khai gui ah lawk ci gui nei; ami gakap gui cu tu ne khäm gui ci gui, ami li gui cu hnget yawp ci nei. Kei cu akshe m’kyuk ciah khanpughi ah ka kyak ci, Babilon cu amät ah bi awn kyä khai ah kei naw ka bik khai.

EZEKIEL 35:11

Cun ah kyasei, akcang ah kei, uktu Bawipa, ghing ciah Khanpughi, kei naw, ka chang gui ah khan ah nami m’lungshe nak, nami m’thüikhang nak la nam thüi gen nak gui cu ka ning pe ba gui khai. Ngami naw nangmi ah khan ah ami bi ah hmatkaa gui phäh ah kei naw ka m’kyuk gui ciah ngami naw hmat khai gui.

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?

AMOS 5:18

Bawipa ah hnüüp ngäng ciah nangmi ah phäh ah a i hlawk ah khüikha vai kyak khai aw! Cun ah hnüüp ung akni a i nami bik khai aw? Cun ah hnüüp cu nangmi ah phäh ah hmüp khui ah kyak khai, akdei ah kä kyak khai.

AMOS 5:20

Bawipa ah hnüüp naw hmüp khui law püi khai, akdei kä law püi khai. Cun cu m’thaan nu ah kyak khai, api ah phi kä dei khai.

ESTA 9:25

Cun ung phi Esther cu ghangpughang ah hteit sei ghangpughang naw ca gu ne ng’thukbäi tei ci. Ak hnu ah ani naw Jew gui ah phäh ah a pawngpüi cu Haman amät naw ma nak ci, ani la a hta gui cu ng’awh k’tung ung m’awh gui ci gui.

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

JEREMIAH 12:14

Bawipa naw pyen ci, “ka chang Israel gui am ka pek gui ah khaw m’di ci gui ah Israel gui ah pei leng ah ka gui am kei naw ka pyen nak gui vai amawng om ci. Sing ghing ang yung ah mawih ah mäih ah cun ah changshe gui cu kei naw ami khaw ungka ka la gui khai, kei naw Judah gui cu ngami ungka ka gung gui khai.