OBADIAH 1:12 - Cho Bible Common Language 2016

¹² Judah khaw ah na mätyah gui ah ng’yoyaw nak cu kä na teng hlü vai. Ngami ah di nak ah hnüüp ung nang cu kä na yeikyai vai. Ngami ah cümbawng ah phäh ah kä na gaih vai.

OBADIAH 1:12 Referans Kwoze

MIKHAH 4:11

Chang pakhui akda naw ng’lung na ne ning tu gui khai. Ngami naw, “Jerusalem cu m’di vai nei! Shin ah mang gaw ah di cu mi hmuk khai nei!” cik khai gui.

EZEKIEL 35:15

cun cu kei, ka mät ah kaa, Israel a shiu yah ung nang na yeikyai ah mäih ah kyak ci. Seir khomhtung gui, Edom khaw avan cu shiu khai nei. Cun ung chang nü naw kei cu Bawipa ah na hmat khai.”

NG'THU K'THUUK~ 17:5

Dukhaih ci na gaih tu ung ani tuisho ciah khanpughi na kalu nak ciah kyak ci. Chang yaica nak ung agawk ah phäh ah yeikyai ciah chang cu, m’kyuk nak gah khai nei.

1 SAMUEL 2:3

M’lau ne na längtang nak cu ng’düm ä; Na khähghah nak ah ng’thu cu m’dim ä. Bawipa cu hmuhmat ciah Khanpughi nei, ani naw chang gui ah bi avan m’khoi chak ci.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

SAM 37:13

Cun ung phi Bawipa naw changshe cu gaih tuk ci. A i ah kyasei ci ung, ngami cu kä sho pha sei di khai gui ah ani naw hmat ci.

SAM 31:18

Hleeihlak ci gui, chang k’awm ci gui, chang kä hmu tuk ci gui, düng ciah chang, akshe ah pyen ci gui, a düm ah om u sä.

SAM 22:17

Ka guh gui avan cu dang yawp ci, ka gaa gui naw na teng u ne na gaih m’gin ci gui.

JOB 31:29

Ka ga gui ami yaica ah phäh ah kei kä ka yei man ci nei. Leigai ami bui awt ung phi kä ka yeikyai man ci nei.

THU PHLAAN 13:5

Khiküi cu m’ghämce ne Khanpughi ah thang shet sak nak vai la cha phlikip-lei-goi ung uknak vai ah huham cu gah ci.

JAMES 3:5

M’lei cun phi acun ah mäih ah kyak ci, m’lei cu aläm hta ah akiak ung phi, abi nak hning cu dämduh ci. Ang htei ah däm nu ciah bungpuk nu phi, mei m’ghi apihta naw ui yawp hning ci, cicu ngaih tüih shüm vä.

LUKA 19:41

Bawipa Jesuh cu Jerusalem gawnu ah gawk law ne, cun ah gawnu cu hmu law netah, kyap ci. Bawipa Jesuh naw, “Nang Jerusalem,

NG’ÄI KYAH 4:21

Gaih vä, Edom la ung chang gui, Nami leigai phi gawk lawk cinei, nangmi cun phi nami k’plui ah lüng’a ne nami kyu shüi shüi khai nei.

ISAIAH 37:24

Hlüng pibäih ciah Lebanon khomhtung gui, na yatha gui avan awn na näng ah mawng khähghah nak vai ah na chang-shäim gui na tüi lawk ci nei. Nang naw a ng’shäi pibäih ah ceda sing ghing gui, akni pibäih ah m’htai ghing gui cu chu pit yawp ne, ak thuk nak pikbäih ah bungpuk ah na gawk awn na khähghäh ci nei.

SAM 92:11

Kei naw ka ga gui na tuk cu hmu ne, changshe gui ah kyah cu ka ng’yak ci nei.

SAM 59:10

Ka Khanpughi naw na m’hni ne, kei ah gawk lawk khai nei; ka gaa gui ami di cu, ani naw na hmuh sak khai nei.

SAM 54:7

Ka khüikha nak avan ung na gung ci sei, ka gaa gui ah di cu ka hmu yawp ci nei.

JOB 18:20

Akhei akyang ung ani ah mawng ng’yak ciah chang avan cu cäi ne kyi ne ng’hlet khai gui.

SAM 35:15

Cun ung phi kei ka gein vai yah ung ami van yei ci gui, nak bui u ne, na gaih tuk ci gui. Chang lam k’hteit gui naw, na pung beeih ci gui, na plawh sheh ci gui nei.

NG’ÄI KYAH 2:16

Nami ga gui ami van naw ami ning thüi nak gui awn, ning päipih gui ne, ning kyim sak gui ci gui, ngami naw ami m’nei htui ne, ami hna htun neta, “Keimi naw kami m’di khai nei” cik ci gui. Shin cu kei naw kami k’äih nak ah kho hnüüp nei!”

EZEKIEL 35:12

Israel khomhtung gui cu shiu ci, cun gui cu nangmi ah guttep nak ah kyak ci, cine khokätä ne nami pyen cu kei, Bawipa naw ka ng’yak ciah nangmi naw nami hmat khai.

EZEKIEL 36:5

“Kei, uktu Bawipa naw, angveing ung pakhui gui la aktung pi ah Edom cu hnungtuk püi ne, ka m’lungshe nak ak hlüngpi awn ng’thu ka pyen ci nei. Ngami naw yeikyai nak la khokätä nak awn kei ah khaw cu tu ne khäm u ne, ka khaw la khulim khaw gui phi kaa nak ci gui nei.