OBADIAH 1:11 - Cho Bible Common Language 2016

¹¹ Ga gui naw m’kawt gui tu ne ami gäi hnüüp nang cu ang leng ah na ng’düi khai. Jerusalem ah khawh phui u ne ami mät naw ng’pai ci gui ah lam hteit chang gui ah mäih ah nang phi na shekhak ci.

OBADIAH 1:11 Referans Kwoze

SAM 137:7

Bawipa, Jerusalem cu tuh ne ami khäm yah ung Edomit gui ah bi cu shüm ba ä. “M’dek ah khüt khai ah tu ne m’cin vai nei!” ami cicu shüm ba gui ä.

NAHUM 3:10

Cunung phi Thebes chang gui cu khaw ah Ak pung ah ami hteh püi gui nei. Lam m’hlawng päng ung ami hta gui cu sik khai ah ami thah gui nei. Ami ng’vai gui pha ne khit u sei Pha gui ci cui ah ng’lung ah püi pyang ci gui.

JOEL 3:3

Ngami naw htung ng’yuk u ne, a u ami pha ah k’bäi ci gui. Ngami naw hnumi hta, pami hta gui cu, khleihtein vai ah m’guk plet nak la yu ah yoi ci gui.

SAM 50:18

Nang cu na hmuh phung m’guk ei gui ah teih püi ah kya ne chang plet ah paw chang ah na kyak ci.

2 GHANGPUGHANG GUI 25:11

Mang gaw ungka dawng lawk ci gui, k’pawih ba ciah bii bi hning ciah chang gui, la Babilonian gui täng ah dawng lawk ci gui cu Nebuzaradan naw Babilonia ah hteh püi gui ci.

SAM 83:5

M’lung ngaih täng sei ng’ge u ne, ning hnu ng’tuk püi khai ah ng’cut ne pawng ci gui cu:

SAM 83:6

Edom chang gui, Ishmaelit gui; Moab chang gui la Hagrits gui;

EZEKIEL 35:10

“Kei, Bawipa cu ngami ah Khanpughi ah kya lang ngäsei, nang naw pakhui gui Judah la Israel cu ami khaw mah ah na kaa ah na pyen ci, na khäm gui khai ah na pyen ci.

AMOS 1:6

Bawipa naw, “Kaya chang gui cu leng ba ba ne shekak ci gui, a cun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom chang gui ah khleihtein ah yoi ci gui.

AMOS 1:9

Bawipa naw, “Tire chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom khaw ah omktu ah hteh püi gui ci gui. Ami ng’khawt püi gui ung phi teihpüi ah kä ngai gui ci gui.

ZEPHANIAH 2:10

Moab la Ammon chang gui cu chang k’awm ne, m’ghämce u ne, A hlüngtai säih Bawipa ah chang gui cu päipih u ne ami kyak ah phäh ah m’kyuk nak gah khai gui.