OBADIAH 1:10 - Cho Bible Common Language 2016

¹⁰ “Nang naw Jakob ah hta ng’shon, na mätyah hniim ne na ngawn ah hmawk ah ngawi yä nang cu ning m’di ne kä ning chang m’sui ba khai.

OBADIAH 1:10 Referans Kwoze

AMOS 1:11

Bawipa naw, “Edom chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami phäi nau Israel gui cu yäi gui ci gui. Israel gui cu Esau ah nau Jakob ah hta ng’shon ah kyak ci gui, ngami cu Edomit gui ah pupa gui ah kyak ci. Israel gui naw m’gein nak kä m’dang ci gui. Ami m’lungshe nak cu kä ng’chüt ci, kä sih sak ci gui.

EZEKIEL 35:9

Kei naw khonglän ung ka ning shiu sak gui khai, nangmi ah mang gaw gui ung a u phi kä om ba khai. Cun kawn ah nangmi naw kei cu Bawipa ah nami na hmat khai.

SAM 89:45

Nang naw kä gham pha sei ghi sak ne, a yä na kawn na küm ci.

ATÜNNAK 27:41

Esau naw Jakob cu thüi nak ci. Apa naw Jakob am hriham a pek ah hmawk ah kyak ci. “Kapa a sih nak vai ng’et lawk ci, cun ung Jakob ka ngawn khai” cine ngaih-tüh ci.

SAM 137:7

Bawipa, Jerusalem cu tuh ne ami khäm yah ung Edomit gui ah bi cu shüm ba ä. “M’dek ah khüt khai ah tu ne m’cin vai nei!” ami cicu shüm ba gui ä.

MIKHAH 7:10

Mi ga gui naw hmu neta kä yei khai gui. “Nami Bawipa Khanpughi cu a hawi ang?” cine na ng’shi gui ciah mi ga gui naw, a cun gui cu hmu u neta, lü ng’aa khai gui. Ngami cu lam ung ng’nai ah mäih ah kai na gui ne dep gui u sei mi hmu gui khai nei.

JOEL 3:19

Egypt cu khaw ng’gau ah kyak khai, Edom cu di pikbäih khai, a i ah kyasei ci ung ngami naw Judah khaw tu ne, changnigui ami ngawn ah phäh ah kyak ci.

EZEKIEL 7:18

Ngami cu suishe sui u ne ami van ng’hhlet khai gui. Ami lu cu k’teim pe gui khai gui, ngami cu lüngaa khai gui.

NG’ÄI KYAH 4:21

Gaih vä, Edom la ung chang gui, Nami leigai phi gawk lawk cinei, nangmi cun phi nami k’plui ah lüng’a ne nami kyu shüi shüi khai nei.

JEREMIAH 51:51

Nangmi naw nami pyen khai, keimi cu kami thangshe sei kami thui ng’aa ci nei; keimi na bawm gui khai kä om sei kami yai ci nei, a i ah kyasei ci ung Taigüim kyong ah a Theingcim nak ah hmun cu a khohei chang gui naw la pyi ci gui nei.

JEREMIAH 49:13

Kei ka mät ka ng’taam ci nei, Borah mang gaw cu hmuh vai ah kyihkyawk vai ah kya ne, bung ah kyak khai nei; chang gui naw m’lepse u ne, aming cu plah taam nak ah mang khai gui nei. Apei yung ah pigaw gui avan cu khonglän ung di khai gui nei. Kei, Bawipa naw ka pyen nei.”

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

SAM 132:18

Ani ah ga gui cu thüi ng’aa nak awn ka küm khai, Ani ah uk nak kho cu ng’bühmang ne, bä m’cam khai.”

SAM 109:29

Ka ga gui cu thui ng’a nak naw shung gui sä; lü ng’a nak cu sui nu ah mäih ah sui u sä.

SAM 69:7

Nang ah hmawk ah kei cu na päipih ci gui, kei cu thui ng’a nak naw na shung ci.

ATÜNNAK 27:11

Jakob naw anu am, “Esau cu mu ci, kei cu kä ka mu ci.

THULÄÄN NAK 23:7

“Edomit chang gui kä nami päipih gui vai, ngami cu nami mätyah ah kyak ci gui. Egypt chang gui kä nami päipih gui vai; nangmi cu ngami ah khaw ung nami om tu man ci.

NG'THU K'THUUK~ 10:6

Changninaw hriham gah ci, changshe ah ng’thu ung shaishe ng’thup ci.

THULÄÄN NAK 23:8

Ang shon thum ung tün ne ngami ah hta ng’shon gui cu, Bawipa ah chang ah kya khai gui.

NG'THU K'THUUK~ 17:5

Dukhaih ci na gaih tu ung ani tuisho ciah khanpughi na kalu nak ciah kyak ci. Chang yaica nak ung agawk ah phäh ah yeikyai ciah chang cu, m’kyuk nak gah khai nei.

JEREMIAH 12:14

Bawipa naw pyen ci, “ka chang Israel gui am ka pek gui ah khaw m’di ci gui ah Israel gui ah pei leng ah ka gui am kei naw ka pyen nak gui vai amawng om ci. Sing ghing ang yung ah mawih ah mäih ah cun ah changshe gui cu kei naw ami khaw ungka ka la gui khai, kei naw Judah gui cu ngami ungka ka gung gui khai.

NG’ÄI KYAH 4:22

Zion naw akat nak ah phu cu pe pyi ci nei, Bawipa naw mikmi cu omktu khaw ah kä na tha ba gui khai nei. Cun ung phi Edom, Bawipa naw ning m’kyuk khai nei. Cheishoh ne na hnünthawh gui cu ani naw m’dang khai nei.