OBADIAH 1:1 - Cho Bible Common Language 2016

¹ Shin cu Obadiah ah ng’cäbang — Edom pakhui ah mawng, Uktu Bawipa ah ng’thu pyen ah kyak ci. Bawipa naw ang shächang cu pakhui nü ah tüi ci, cun kawn ah ang thu cu kami ng’ya pyi ci: “Pawng vä! Edom tuk vai ah mi hteit kaw!”

OBADIAH 1:1 Referans Kwoze

JOEL 3:19

Egypt cu khaw ng’gau ah kyak khai, Edom cu di pikbäih khai, a i ah kyasei ci ung ngami naw Judah khaw tu ne, changnigui ami ngawn ah phäh ah kyak ci.

ISAIAH 30:4

Ami ng’shäbawi gui cu Egypt khaw Zoan la Hanes mang gaw gui ung ami gawk law pyi pang ung phi,

ISAIAH 21:11

Shin cu Edom ah mawng thumkhäh ah kya ci. Edom ung ka tumat mat naw na khü ci, “Ngäng ci aw, khawmü cu a i hawkehaa ng’pyi khai aw? A i chawk cha a ng’pyi vai cu kei am vam thin ä.”

SAM 137:7

Bawipa, Jerusalem cu tuh ne ami khäm yah ung Edomit gui ah bi cu shüm ba ä. “M’dek ah khüt khai ah tu ne m’cin vai nei!” ami cicu shüm ba gui ä.

MAKUH 13:7

Nangmi naw a shou nak, ang et nak ung ng’tuk nak ah mawng nami ng’yak ung kä nami kyihkyawk vai, Cun gui cu akcang ah küm khai, cun ung phi kho ah khüt nak vai cu kä gawk law phak ci.

MATTHE 24:6

Nangmi naw ang et nak ung ng’tuk nak ah k’aw gui nami ng’yak khai, a shou nak ah ng’tuk ah mawng gui nami ng’yak khai, cun ung phi kä nami kyihkyawk vai. Acun gui cu om lawk khai, cun ung phi kho a khüt nak kä gawk law phak ci.

MIKHAH 2:13

Bawipa naw lam pyan pe gui ne, omktu khaw ah ka lam shüm ba gui khai. Ngami naw mang m’kawt cu gäi ne hmawng ne, lut lawk khai gui. Ami ghangpughang Bawipa amät naw lam shüm gui khai.

JEREMIAH 51:46

Ng’thu ng’lak nami ng’yak ah phäh ah nami k’tha kä ken sä, kä kyikyawk vä. A kum tä sei ng’thu ng’lak aheihei cu püi thei ci — khaw ung kiawi m’sa nak gui, ghangpughang tumat la tumat ng’tuk nak cu gawk law thei ci.

JEREMIAH 25:17

Kei naw khap cu Bawipa ah kut ungka ka lak ci, Bawipa naw ana tüih law changpakhui avan am ka pe gui ci, cun kawn ah ka awk sak gui ci.

ISAIAH 21:12

Kei naw ka m’shan cu, “Khaw thaih cu gawk law pyi ci, cun ung phi khawmü cu law bam ä khai. Na na ng’shi ba mä hlü ah a kyak ung law ba ne na ng’shi law ba ä.”

ATÜNNAK 25:30

Kei ei ka cawi ci nei, sen ciah antui cä na m’bei ä” cik ci. (Cun ah kyasei ani cu Edom ah ami sui.)

ATÜNNAK 36:8

Cun ah kyasei Esau cu Edom khawgui ah hteit ne om ci.

ATÜNNAK 36:9

Shin cu Esau ah htangshon Edom pakhui ah mawng ah kyak ci.

EZEKIEL 35:1

Bawipa naw na ng’thu püi ci,