NG'THU K'THUUK~ 9:12 - Cho Bible Common Language 2016

¹² Nang ung cüivai nak a om ah a kyak ung nang cu na lawn khai. Cüivai nak na hnungtuk püi ah a kyak ung nang cu na khüikha khai.

NG'THU K'THUUK~ 9:12 Referans Kwoze

EZEKIEL 18:20

Kat nak bik ciah Chang cu sik khai. Apa ah katnak phäh ah a hta naw kä yai ca nak khai, a hta ah katnak ah phäh ah apa naw kä yai ca nak khai-Chan g k’ni cu akni a bi ah phäh ah m’cümhnak nak gah khai, Changshe cu akshe abi ah phäh ah yaica khai.

JOB 22:21

Joba, tuhbäi Khanpughi aw ng’gei nak bi ä, Ani ung ga ah mäih ah na om nak cu m’düm ä. Cun ah na bi ung ani naw hriham ning pek khai.

NG'THU K'THUUK~ 16:26

Bii bik ci naw a ei nak hlü awn k’tha na aih ci, a i ah kyasei ci ung a cawi nak cu a phu vai ah ng’ya hlük ci.

ISAIAH 28:22

Kei naw ka ning pek gui ah thukbäi cu kä nami gaih en vai nei, nami gaih ah a kyak ung nami phiawn vai cu khak pi khai nei. M’gai ciah Bawipa naw khawpäng apum ah m’di khai ah akbäi cu kei naw ka ng’yak ci nei.

2 PETER 3:16

Shin cu Paul naw a guk ah ca ung ang dang sak ah mawng ah kiak ci. Cun ah ca ung kä hmat yäi vai amshah om ci. Kä hmuhmat la lawklak ciah chang gui naw ang lihlat ah, khei ne pyein ci gui. A hei cacim gui cun phi acun ah mäih ah m’ki m’hlat u sei, ami mät ah dimaih nak vai ah kyak ci.

KALATIAN 6:5

A i ah kyasei ci ung ak changsing naw amät ah phuih phäh phäh a phuih vai ah kyak ci.

NG'THU K'THUUK~ 14:14

Changshe gui naw ami mat ah shetkat nak gah ci gui, Changniguio naw ami mat ah om ih awn m’cümhnah nak gah ci gui.

NG'THU K'THUUK~ 19:29

Chang k’om ne gu ang ci naw m’ghuih thah nak a gah vai cu ng’htei pyi ci.

JOB 19:4

Avaisü ah kei katnak ka bi ung phi, cun ah katnak naw nangmi cu a i natnak ning pe gui ne ang?