NG'THU K'THUUK~ 9:10 - Cho Bible Common Language 2016

¹⁰ Khanpughi kyioh aa nak cu cüivai nak ah a phung ang yung ah kyak ci. Atheingcim Bawipa hmat nak cu hmuhmat nak thei ah kyak ci.

NG'THU K'THUUK~ 9:10 Referans Kwoze

SAM 111:10

Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.

JOB 28:28

Khanpughi naw chang gui pyen na gui ci, “Nami cüivai vai nei, Nangmi naw Bawipa cu nami chang m’sui vai nei. Nami hmat vai cu, nangmi cu akshe ungka nami ng’hlah law ba vai.”

NG'THU K'THUUK~ 1:7

Bawipa kyih aa nak cu hmuhmat nak ah a phung ah kyak ci, gu-ang ciah chang naw cüivai nak cu a i ah kä ngai ne, kä m’thei thang hlük ci.

THUSHÄUTU 12:13

Shin gui avan kawn ah pyen vai tumat bäng om ci; Khanpughi kyih aa ne, ang thumkhän cu läk vai, a i ah kyasei ci ung a cun vai ah chang avan cu a tüisho ah kyak ci.

NG'THU K'THUUK~ 2:5

Cun ung Bawipa kyih aa nak ah mawng cu na hmat khai.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

NG'THU K'THUUK~ 30:3

A i cüivai nak phi kä ka ng’thei man ci. Khanpughi ah mawng a i phi kä ka hmat ci.

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

SAM 34:12

Yeikyai ne ghin nak nami ng’yak hlü naw? Ak sho ghing ne nami pui m’ca hlü naw?