NG'THU K'THUUK~ 8:36 - Cho Bible Common Language 2016

³⁶ Kei kä na hmuk ciah chang cu a mät plah taam ciah kyak ci. Kei na thüi nak ciah chang cu sih nak m’hni ciah kyak ci.”

NG'THU K'THUUK~ 8:36 Referans Kwoze

NG'THU K'THUUK~ 15:32

Theithang vai maa nak ciah chang cu amat naw amat nat sak ciah kyak ci. M’shungdung nak dou ciah chang cu cuivai law pi ci.

NG'THU K'THUUK~ 1:31

Cun ah kyasei nami mät ah geit ah am theih cu nami ei ba khai. Nami mät ah bi naw ning gaw pyam sak gui khai.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

NG'THU K'THUUK~ 20:2

M’ngawk ciah phongkawng kyih ah maih ah m’lungshe ciah ghangpughang cu nami kyih vai. Ani m’lungshe sak cicu ng’cawh ciah kyak ci.

NG'THU K'THUUK~ 12:1

Hmuhmat nak m’hni ciah chang naw a cheishoh ung m’cäi tu vai ng’ya hlük ci. Chang gu ang naw m’cäi ä thüinak ci.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

NG'THU K'THUUK~ 21:6

Kä düng nak awn na gah ah bühmang nak cu angghit ah maih ba khai. Acun naw sih nak ah m’kawt ung ning hteh püi khai.

JOB 35:6

Katnak na bi ung, cun naw Khanpughi kä tawn ne, akda vei na cheishoh ung phi cun naw ani kä nat sak ci,

NG'THU K'THUUK~ 1:32

Kä hmu ng’ya thei ciah chang gui cu sik ci gui, a i ah kyasei ci ung ngakmi naw cüvai nak hnu nak ci gui. Changshe gui cu ami mät ah bi awn dishum ci gui.

ISAIAH 3:9

Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.

JEREMIAH 27:13

Ai ah kyasei nang la na chang gui cu ng’tuk nak, ei cawi nak la gawpyan nak awn nami sih ang. Cun cu Babilonia Ghangpughang ung kä ng’kiaa ciah pakhui ah khan ah kya lawk khai ah Bawipa naw a pyen ah kyak ci nei.

LAMKTU 16:28

Cun ung phi Paul naw, “Kä ng’cawh en ä, keimi kami van shin ung kami om ci nei” cine m’lau ne hawh ci.