NG'THU K'THUUK~ 8:35 - Cho Bible Common Language 2016

³⁵ Kei na hmuk ciah chang cu ghin nak hmuk ci. Bawipa cu ngami awn lünlawi khai.

NG'THU K'THUUK~ 8:35 Referans Kwoze

JOHAN 3:36

A htapa yum ciah chang cu angtäi ghin nak gah ci. Kä yum ciah chang cu ghin nak kä hmuk khai. Ani ah khan ah Khanpughi ah m’lung she nak om khai.

NG'THU K'THUUK~ 12:2

Bawipa naw changnicu yei nak ci, akshe bi vai ah pawng pü ci phung cu m’kyuk ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

KOLOSE 3:3

Nangmi nami sih ung nami hnun gui cu Bawi Khrit awn Khanpughi ung ng’thup ciah kyak ci.

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

NG'THU K'THUUK~ 1:33

Cun ung phi kei na ngai ciah chang cu am lung üp khai. Anii cu phyawng khai kyih vai ah mawng kä om khai.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

NG'THU K'THUUK~ 4:22

Acun gui naw hmu hmat ci gui amn ghin nak la gai nak pe gui ci.

NG'THU K'THUUK~ 3:4

Cun ah na bi ung Khanpughi la chang naw ning yei na sei na bä khai.

NG'THU K'THUUK~ 3:22

A cun gui naw ghin nak ning pek khai — bä nak la yei nak ah ghin nak ah kyak ci.

NG'THU K'THUUK~ 9:6

A i kä hmuhmat ciah chang gui cu nawng gui ne ghing ä. Hmuhmat nak cu läk ä.”

NG'THU K'THUUK~ 18:22

Chumah ciah chang cu akni hmuk ciah kyak ci. Acun naw Bawipa naw nang ah khan ah ani nak cu m’dang ci.

THUSHÄUTU 7:12

a cun naw ngui naw m’lung üp nak a pek ah mäih ah ning pek khai. Cüivai nak naw ning phyawn sak ci — cun cu hmuhmat nak ah abä nak ah kyak ci.

NG'THU K'THUUK~ 4:13

Na ng’theithang phung cu angtäi ah na shüm vai. Na cimghang nak cu na ghin nak ah kyak ci.