NG'THU K'THUUK~ 8:21 - Cho Bible Common Language 2016

²¹ Kei na m’hni ci am bämang nak ka pek ci; ami im cu m’käm khawh awn ka be sak ci.

NG'THU K'THUUK~ 8:21 Referans Kwoze

1 PETER 1:4

Cun ah kyasei Khanpughi naw ak chang gui ah hmawk ah m’küm ne a gim ah ng’bühmang nak cu khäm vai ah mi ngaih u nak om ci. Cun gui cu nang mi ah hmawk ah kä chükmaih kä didam hlawt khai ah, Khanpughi naw khankho ah m’küm ci.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

NG'THU K'THUUK~ 24:4

Avan ung hmuhmat nak be ci, Akyong ung a phu küi la nikiom ciah im khawh awn be ci.

ATÜNNAK 15:14

Cun ung phi ngami shäm gui ciah pakhui cu kei naw ka m’kyuk khai nei. Ngami cu cun ah khaw nawng shüt ne ami law ba hnüüp ung khawh angpeeih law püi khai gui nei.

HEBRU 10:34

Nangmi naw thawng ung cun ci gui cu nami chimgein ci, nami khawhcham avan ami ning khäm peit gui ung phi yei ne nami om düt ci, a i ah kyasei ci ung nangmi ung cun ah khawh chaam gui ah tah küikyang pi ne, käng pyii hlawt ciah khawh a om cu nami hmat ah hmawk ah kyak ci.

NG'THU K'THUUK~ 1:13

Mikmi naw khawhcham avan mi hmuk khai, mi gut tep ah khawh awn mi im mi be sak khai.

SAM 16:11

Nang naw ghin nak ah lam cu na nam shüm khai; Na na om püi nak naw yeikyai nak awn na be sak ne, angtäi hlimtui nak phi law püi ci.

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

NG'THU K'THUUK~ 8:18

Kei ung büh mang nak la m’tamkhah nak, bä nak la näng nak ka pek vai om ci.

NG'THU K'THUUK~ 6:31

Cun ung phi nami pha ah a kyak ung am guuk ah ak chih ah am thung vai — ani ung om ciah a khawh phung ang lawh vai.

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

NG'THU K'THUUK~ 8:20

Kei cu düng ciah lam ung ka hteit ci; taga ciah lam ka läk ci.

NG'THU K'THUUK~ 10:22

Bawipa ah hriham naw bämang nak ning pek ci, Cun ah bämang nak ung thüisei nak kä ng’caw ci.

NG'THU K'THUUK~ 15:6

Dung ciah chang naw a khawh kham ci, Cun ung phi khüikha nak a gawk law ung changshe naw a khawh m’di ci.

NG'THU K'THUUK~ 21:20

Cüivai ci gui cu bühmang ne, läma ne om ci gui. Cun ung phi chang ang laam gui naw, ami ngui cu ami gah vai am mang yawp ci gui.