NG'THU K'THUUK~ 8:17 - Cho Bible Common Language 2016

¹⁷ Na m’hni cicu ka m’hni ci: Na shui ci phung naw na hmuk khai.

NG'THU K'THUUK~ 8:17 Referans Kwoze

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

JOHAN 14:21

“Ka thukhän dou ne läk ciah chang cu kei nam hni ciah kyak ci. Kei nam hni cicu Kapa naw m’hni ci, kei naw phi ani cu m’hni ne, ani ung ka mät kang dang khai” cik ci.

SAM 91:14

Khanpughi naw, “Kei na m’hni cicu kei naw ka hun khai, kei Bawipa ah na hmat cicu ka m’taam khai.

ISAIAH 55:6

Bawipa ah ng’hlat ne, ani ah k’taigü vä, Tuhbäi ani cu ng’et pyi ci nei.

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

1 JOHAN 4:19

Khanpughi naw nam hni gui ma sei, mikmi naw ani cu mi m’hni ci.

ISAIAH 45:19

Kei naw m’zih ne thu kä ka pyen ci, ka ng’bü nak phi kä ka thup ci. Israel chang gui naw a khaw shiu ah kei ami na shui vai ah kä ka k’thäh man ci. Kei cu Bawipa nei, düng ciah thu ka pyen ci nei; kei naw hman ci cu ka ng’hmat sak ci nei.”

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

JOHAN 16:27

A i ah kyasei ci ung Kapa amät naw nangmi ning m’hni gui ci. Nangmi naw kei nam hni ne, Khanpughi ungka ka lawk ciah nami yum ah hmawk ah, Kapa naw ning m’hni gui ci.

MAKUH 10:14

Bawipa Jesuh naw hmu gui netah, m’lung she ne, “Akhmaw hta gui cu kei ah law u sä, kä ma na gui vä, Khanpughi ah uknak kho cu ngami ah kho ah kyak ci nei.

NG'THU K'THUUK~ 1:28

Cun ung nangmi naw cüivai nak cu nami khü khai, cun ung phi kä ka ning m’shang gui khai, nangmi naw khaw nü ung nami na shui khai, cun ung phi kä nami na hmuk khai.

THUSHÄUTU 12:1

Nami hmaw chang yah ung, kä yei nak vai ah khohnüüp la kho kum gui kä ah gawk law pha ung, ning tüisho gui cicu shüm vä, a cun a gawk law ung nangmi naw, “Kä ka yeikyai ci nei” nami cik khai.

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

NG'THU K'THUUK~ 2:4

Cüivai nak cu ngui ghui ah mäiha ah na shui vai. Thuh ah khawh yap ah mäih ah na yap vai.

NG'THU K'THUUK~ 2:5

Cun ung Bawipa kyih aa nak ah mawng cu na hmat khai.

NG'THU K'THUUK~ 4:6

Cüvai nak cu kä na ng’leng tak en vai, acun naw ning m’htei khai, kä na m’hnih vai ani naw ning phyawn khai.

NG'THU K'THUUK~ 8:16

M’dek khan ung uktu phung naw kei ah m’htei nak awn uk ci. Bawi gui mang gui naw phi acun ah uk ci gui.

SOLOMON NG’Ä~ 3:4

Ngami ka hteh tak gui vai am ani cu ka hmuk ci. Kei naw ani cu pang ne kä ka hteh ba sak ci ka nu ah im ka ng’tüi nak ah akhan kyong güt ah ka hteh püi ci.

JOHAN 5:4

(Khanpughi ah khankho chang cu kyum law ne, tui ak hnawh law ung, tui ng’hnawk ung ng’hnim ma cicu gai ba man ci kya sei, tui hnawk cu ngäng ci gui.)