NG'THU K'THUUK~ 8:10 - Cho Bible Common Language 2016

¹⁰ Ngui ah ta kei ah m’shüm thein nak cu nami ghü vai. Ghui akni ah ta kei ah hmuhmat nak cu nami ghü vai.

NG'THU K'THUUK~ 8:10 Referans Kwoze

SAM 119:127

Kei naw na thumkhän cu ghui ah ta ka m’hni pi ci, Ghui k’ni ah ta ka m’hni pi ci.

SAM 119:72

Thukhän na pek cu kei ah hmawk ah khomdek khan ung ngui avan ah bä pi ci nei.

NG'THU K'THUUK~ 23:23

Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.

THUSHÄUTU 7:11

Ghing ne om ciah chang phung cu a cüivai ah khin ci; cun cu pupa khawh gah ah mäih ah nik ci,

NG'THU K'THUUK~ 10:20

Changni ah ng’thu cu ngui k’cüm ah mäih ah kyak ci. Cun ung phi gu ang cicu amät ng’ngawn ci.

LAMKTU 3:6

Cun kawn ah Peter naw, “Kei ung ghui ngui kä om ci, cun ung phi kei ung om cicu ka ning pek khai: Nazaret Bawipa Jesuh Khrit ah ming awn, tho ne na hteh vai, kei naw ka ning khän ci nei,” ci neh kiak nak ci.

NG'THU K'THUUK~ 16:16

Cuivai nak la lunglang nak cu ghui la ngui ah ta ba pi ci — ba pikbähih ci.

SAM 119:162

Na shaitak ah hmawk ah ka yei aih ci, cun cu mangnak vai khawh ng’peeih hmuk ciah yei ah mäih ah kyak ci.

2 KORIN 6:10

Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.

NG'THU K'THUUK~ 8:19

Kei ah nami gah cu ghui akni ah ta bä pi ci; ngui akcüm ah ta ni pi ci.

JOB 28:15

Ngui la ghui awn kä hleih hlawt vai nai,

JOB 28:17

Cun cu ghui ah ta ni tuba ci, lung hman ciim ah ta ni tuba ci.

NG'THU K'THUUK~ 20:15

Nang naw na mat ah pyen ah ng’thu cu na hmat ah a kyak ung, nang ung ghui la pyülung ah a phu kui pi cicu om ciah kyak ci.