NG'THU K'THUUK~ 7:7 - Cho Bible Common Language 2016

⁷ a i kä bui awt man ciah chang nong akda ka hmuk ci. Cun ung changshe kha tumat om tuk ci.

NG'THU K'THUUK~ 7:7 Referans Kwoze

NG'THU K'THUUK~ 6:32

Chang ah chu kat püi cicu a i kä hmat ciah kyak ci. Amät naw amät m’di ciah kyak ci.

NG'THU K'THUUK~ 1:22

“Chang gu k’ang gui! A i güt nami gu ang khai ang? A i güt hmuhmat nak cu m’lepse ne nami yeikyai khai ang? kä nami ng’thei thang phung khai ma?

MATTHE 15:16

Bawipa Jesuh naw, “Nangmi phi tuhgüt chang hei gui ah mäih ah a i kä nami hmat phak ci ma?

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.

NG'THU K'THUUK~ 10:13

Lunglang cicu akbä ah ng’thu ci, gu ang ci naw m’kyuk nak gah ci.

NG'THU K'THUUK~ 9:16

“Lut law vä! A i kä hmat ciah chang gui!” Ani naw chang gu-ang am,

NG'THU K'THUUK~ 9:4

“Law tu vä, a i kä hmat ciah chang gui! Ani naw chang gu-ang cu pyen nak ci.

NG'THU K'THUUK~ 8:5

Kä nami ng’langkha ne ma? Nami ng’langkha vai ah ng’thei vä. Nami gu-ang ne ma? Nami ng’lang vai ah ng’thei vä.

NG'THU K'THUUK~ 1:32

Kä hmu ng’ya thei ciah chang gui cu sik ci gui, a i ah kyasei ci ung ngakmi naw cüvai nak hnu nak ci gui. Changshe gui cu ami mät ah bi awn dishum ci gui.

NG'THU K'THUUK~ 1:4

Acun gui naw kä hmu ng’ya thei ciah chang cu ng’langkha khai ah pyan u ne, chang nong gui cu a i hawkcha tungpa vai cu m’thein gui ci.

SAM 119:130

Khukhai ne na m’theithang nak naw akdei cu pek ci, chang k’ang gui cu cüivai sak gui ci.

NG'THU K'THUUK~ 27:12

Ng’langkha ciah chang naw khüikha nak a gawk law cu, hmu ne hlawi ci. Cun ung phi a i kä ngaih-tüh thei ciah chang cu acun ah ng’lung ah hteit ne lut ci, akawn ah ng’yuu ba ci.

NG'THU K'THUUK~ 24:30

Dam ne gu ang ciah lo la sapyit lo sun pah ne kä ka hteit ci.

NG'THU K'THUUK~ 22:3

Langkha ciah chang naw khüikha nak a gawk law cu hmu ne hlawi ci. Cun ung phi a i kä ngaih-tüh thei ciah chang cu acun ah ng’lung ah hteit ne lut ci, akawn ah ng’yu ba ci.

NG'THU K'THUUK~ 19:25

Chang omshe cu m’kyuk vai. Cun ung ba tuba ci. Ka hmat ciah chang naw ng’thei nak khai. Nang cu na cuivai ah a kyak ung ami ning m’shum thei ung na ng’thei thei khai.

NG'THU K'THUUK~ 19:2

Hmuhmat nak ka om ciah m’lung ah ling cu ka nik ci, m’lung ka sau nak naw yaica nak ung ning hteh pui khai.

NG'THU K'THUUK~ 14:18

Chang anglam gui naw ami gu ang nak cu chaw nak ci gui, Cun ung phi langkhaa ci gui naw hmuhmat nak ah m’cümhnah gha ci gui.

NG'THU K'THUUK~ 14:15

Chang anglam naw apang yum thei ci, chang langkha naw a khaw m’khaan pang m’htei ci.

NG'THU K'THUUK~ 12:11

Khüighat ne lo bik cicu a ei vai da ci. Cun ung phi kholä ciah bi ung akhin ng’pyi sak cicu ak gu-ang ah kyak ci.

SAM 19:7

Bawipa ah thukhän cu kümbe ci; thagui ak thai pek ci. Bawipa ah thumkhän htangkha ci, kä cüivai cicu cüivai sak ci.

JOB 24:15

Chang ah chu hta kat püi ciah chang cu kho amü law vai k’äih ne, A u naw kä a hmuh vai ah a hmai shung ne hteit ci.

NG'THU K'THUUK~ 5:1

Ka hta, na ngaih nak vai, ka cüivai nak la ka m’lungshum nak cu na ngaih vai,

NG'THU K'THUUK~ 6:20

Ka hta, napa ah ning m’thein cu na bi vai, na nu ah ning m’cäi cu kä na m’hnih phung vai.