NG'THU K'THUUK~ 7:26 - Cho Bible Common Language 2016

²⁶ Ani cu chang akda ah di nak, kä khei tai vai ah sih nak ah kyak ci.

NG'THU K'THUUK~ 7:26 Referans Kwoze

NEHEMIAH 13:26

Ghangpughang Solomon katnak bi sak cicu akhawhei hnumi ah kyak ci. Ani cu changpakhui gui ah ghangpughang gui päng ah dämduh pi ciah chang tumat ah kyak ci. Ani shin ah katnak ung gawk pang sei phi, ani cu Khanpughi naw m’hni ne, Israel khaw avan ah khan ah ghangpughang ah kyak sak ci.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

1 KORIN 10:8

Mikmi naw cun ah chang amshah gui ah mäih ah pletbeng nak cu kä mi läk ken tu vai, ngami ungka chang tämkäp m’ku-lei-thum cu hnüüp ät ung sik ci gui.

NG'THU K'THUUK~ 6:33

Ani cu shedam nak la m’neh nak gah khai, ani cu angtäi sei kä yeikyai khai.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

SUKI GUI 16:21

Philistin gui naw ani cu pha u neta amik cu kawih ci gui. Cun kawn ah kaza ah hteh püi u ne, kyei gui awn khit u neta, thawng im kyong ah gawtlung gawt sak ci gui.

2 KORIN 12:21

Cän kawn ah nangmi ah kei ka law ba ung Khanpughi naw, nami ma ah, kei cu na lü ng’aa sak khai ni mä, yan ä sheka u netah tuh güt kä ng’yu ba u ne, m’gu plet ng’yaw ng’pawm düut ciah chang gui ah hmawk ah, kei cu ka ng’phli tui kya law ei bawk khai ni mä, cine kang ä ci nei.

NG'THU K'THUUK~ 9:18

Ani ah chang gui naw a im ung lut ciah chang gui ami sih la lut pyi ciah chang gui tuhbäi akthuuk pikbäih sih nak ah kho ung ami om cu kä hmat ci gui.

NG'THU K'THUUK~ 7:27

Ani ah im ah na hteh tu ung, nang cu sih nak ah khaw ah na hteit ciah kyak ci. Cun cu sih nak yät ah kyak ci.

NG'THU K'THUUK~ 2:18

A cun ah im ung nang na hteh ah a kyak ung nang cu sih nak ah lam ung na hteit ciah kyak ci. A cun ah hteh cu sih nak ah khaw k’et nak ah kyak ci.

NG'THU K'THUUK~ 23:28

Ngami naw m’gui ei ah mäih ah ning ngäng ci gui. Chang akda kä bekhüt khai ah ngami naw bik ci gui.