NG'THU K'THUUK~ 6:26 - Cho Bible Common Language 2016

²⁶ Chang tumat naw hlawhlaang ciah hnumi cu m’htut pum ät ah phu awn gah khai. Cun ung phi pawmyau ciah hnumi naw a khawh avan pyi pek khai.

NG'THU K'THUUK~ 6:26 Referans Kwoze

LUKA 15:30

Nang pa ah khawchaam gui la ne hteh püi ne, chang pawmya gui awn a täng ah m’di m’dap yawp netah, law ba ciah ani läi-am seipat ak plan pi na ngawn pek ci nei” cik ci.

NG'THU K'THUUK~ 29:3

Nang naw cüivai nak nak tung nak ung, napa naw nang awn khähghah khai. Gu ang ciah chang naw chang hlawhhlang ung a ngui ng’pyi sak ci.

1 SAMUEL 2:36

Na hta ng’shon ung ka, api k’pawih ba ci gui cu taigüpa ah hteit ne, ngui la ei k’thäh khai gui, ei vai ami gah vai ah phäh ah taigüpa cu bi ning bi püi kawng cine, ami bi sak vai ah ng’hui ng’pa khai gui.”

EZEKIEL 13:18

Uktu Bawipa naw a pyen nak gui cu m’thein gui ä: “Nangmi hnumi gui cu name ng’ziin ci nei! Nangmi naw Chang nü am cecai ne kut pat nak pe ne, chang nü am cecai nak ah lupawng name pek ci nei, cun ah kyasei ngami cu ahei chang gui ah ghin nak la sihnak ah huham cu name kaa na hlük ci, cun cu name mät ah phäh ah name mang hlük ci —

EZEKIEL 13:8

Cun ah kyasei uktu Bawipa naw pyen na gui ci, “Nami ng’thu gui cu pyan ah kyak ci, name muimang gui cu hleei ah kyak ci. Kei naw ka ning hnung tuk gui ci nei.

NG'THU K'THUUK~ 29:8

A u chang phi a i ah kä ngai ciah chang naw mang gaw avan ung hungsai thawk sak ci, cun ung phi cüivai ciah chang gui naw avan dim deeih sak ci gui.

NG'THU K'THUUK~ 7:23

m’la naw am lung aken ah mäih ah, kha cu ng’vai ung awk khai ah a hteh ah mäih ah, a ghin nak sih nak ung a luh cu ani naw kä hmat ci.

NG'THU K'THUUK~ 5:10

ä, chang lam hteit gui naw na khawh avan lak khai gui, na bi phung cu chang ahei naw kaa nak khai.

ATÜNNAK 39:14

a changshäm gui cu khü ne, “Teng vä, ka cei ah law püi shin ah Hebru chang naw na yawshe na gui ci nei. Ani naw ka ih nak kyong ah lut law ne, na yaw hlük ci nei, cun ung phi kei cu nisei ka m’lau ci nei.

NG'THU K'THUUK~ 5:9

Cun ah na bi ung nang ung om man ciah chang m’sui nak cu ahei gui naw lak khai gui, na chang nong sang ung am gein kaa gui ah kut ung na sik khai,

NG'THU K'THUUK~ 6:27

Na sui kä ui khai ah na ng’kyaang ung meikdäi na kep hning khai aw?

NG'THU K'THUUK~ 23:28

Ngami naw m’gui ei ah mäih ah ning ngäng ci gui. Chang akda kä bekhüt khai ah ngami naw bik ci gui.

ATÜNNAK 39:7

Cun ah kyasei a bawi ah chu naw Joseph cu m’hni law neta, ni pi khai cine khü ci.