NG'THU K'THUUK~ 6:21 - Cho Bible Common Language 2016

²¹ Ami ng’thu cu angtäi sei shüm ne na m’lung ung na küm vai.

NG'THU K'THUUK~ 6:21 Referans Kwoze

NG'THU K'THUUK~ 3:3

Hläkkhäm nak la bekhüt nak cu kä na ng’dawn sak vai. Na k’hnü ung na awi vai, na m’lung ung na guk vai.

2 KORIN 3:3

Cun ah ca cu Bawi Khrih amät naw gu netah keimi am ana tei sak gui cu dang ci nei. Cun ah ca cu hmein nawn guk ah kä kyak ci, ghing ciah Khanpughi ah Mumcha awn guk ah kyak ci, cun ah ca cu lung ung guk ah kä kyak ci, chang ah m’lung ung guk ah kyak ci.

NG'THU K'THUUK~ 4:6

Cüvai nak cu kä na ng’leng tak en vai, acun naw ning m’htei khai, kä na m’hnih vai ani naw ning phyawn khai.

THULÄÄN NAK 6:8

Ning m’shüm hnuh gui khai ah nami kut ung nami khih vai. Nami m’calai ung nami dak vai.

PHYAWN NAK 13:16

Shin cu m’shüm thein nak ah kyak khai, Mi kut ung, kä cung mi m’calai ung na khit gui ciah mäih ah kyak khai. Bawipa naw dämduh ciah a huham awn Egypt khaw ungka ana plawk ba gui cu a shin naw na shüm sak gui lä khai” cik ci.

NG'THU K'THUUK~ 4:21

Na mät awn kä na ng’shawng en sak vai. Shüm ba ne na m’lung ung na khän sak vai.

PHYAWN NAK 13:9

Shin cu nangmi ning m’shüm thein gui ciah kyak khai, nami kut ung, kä cung nami m’calai ung ning khit gui ciah mäih ah kyak khai; a shin naw Bawipa ah thukhän cu k’täi ne ng’thei thang ng’thumcha nak vai ah ning m’shüm thein gui khai, a i ah kyasei ci ung Bawipa naw dämduh ciah a huham awn Egypt khaw ungka a ning plawk ba gui ah hmawk ah kyak ci.