NG'THU K'THUUK~ 6:15 - Cho Bible Common Language 2016

¹⁵ A cun ah phäh ah kä ngaih ah hungsai naw m’di gui sei, ciin ne ng’pyi khai gui.

NG'THU K'THUUK~ 6:15 Referans Kwoze

JEREMIAH 19:11

Shin ah m’gäi Bawipa ah pyen cu ka m’thein gui vai ah pyen ci, “Kei naw shin ah chang gui la shin ah mang gaw cu ka m’shet khai, cun cu pyang ba ne kä gah vai ah payak ciah m’dek hlüng ah mäih ah kyak khai. Chang gui naw aksi gui cu Tophethung thet sei k’phuh khai gui, a i ah kyasei ci ung ngami phuh nak gui vai ahei kä a om ah phäh ah kyak ci.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

NG'THU K'THUUK~ 1:27

Akyihshe cu khinu ah mäih ah a law ung khüikha nak vai ah akhi law ung nangmi nami m’neh m’awh geinvai law ung, kei naw ka ning m’lep na gui khai.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

SAM 50:22

“Shin cu ngai vä, nangmi kei kä na shüm ci gui, kä cun ung — kei naw ka ning m’di gui khai, Ning hun gui ci a u kä om ba khai.

SAM 55:15

Ka gaa gui cu si hlah u sä; m’htei kho ah ak ghing ah hteit u sä! Akshe cu ngami ah m’lung ung la ngami ah im ung om ci nei.

NG'THU K'THUUK~ 1:26

Cun ah kyasei khüikha nak ung ka ning gaih tu gui khai. Akyihshe naw a ning kyak shi law gui ung,

NG'THU K'THUUK~ 6:16

Bawipa naw a thüi nak, kä am hni gui mawng chih om ci, cun gui ci: yawshe na ne teng, hleei ciah m’lei, changningawn ciah kut, akshe ngaih-tüh ciah m’lung, akshe bi avai ah yangkhai ciah khaw, hleei pyen ne saksi nak la teihpüi gui ng’tuk vook sak ciah chang ah kyak ci.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

NG'THU K'THUUK~ 24:16

Düng ciah chang cu a i chü vei a kyuk ung phi a i ah kä kyak ci. Angtäi sei tho ba ci, cun ung phi chang shekha cu leigai naw m’di ci.

NG'THU K'THUUK~ 24:22

Cun ah mäih chang cu a shänghta dishum khai. Na ngaih-tüh ne ang? Khanpughi kä cun ung ghangpughang naw leigai kyak sak hning ci, ci cu?

EZEKIEL 11:13

Kei ka cängbang sang ung, Pelatiah cu kyu ne sik ci. Kei cu m’dek ung ka hmai gawk khai ah kawp neta ka m’lau ci, “Uktu Bawipa aw, Israel ung k’pawih ba ci gui phung nang naw an ngawn khai ma?”