NG'THU K'THUUK~ 6:12 - Cho Bible Common Language 2016

¹² Akholä ah changshe kha gui cu ami hleei pyen ne ng’thu aih ci gui nei.

NG'THU K'THUUK~ 6:12 Referans Kwoze

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

NG'THU K'THUUK~ 16:27

Changshe gui naw chang ami m’di nak vai ah lam cu, shui ci gui, ami ng’thu m’gawng cu akshe mei ah dai ci.

NG'THU K'THUUK~ 4:24

Kä düng ciah ng’thu kä na pyen phung vai, hleeihlak la ng’thushe cu kä na pyen phung vai,

1 TIMOTHI 5:13

Cun kawn ah ngami cu a im tung päng ung hteit shüi shüi ne akhin maih sak ci gui, cun bäng ah kä kyak ciah kä pyein vai pyein u neh, chang ah mawng pyein sah hlük ci gui.

LAMKTU 20:30

Nami mät ungka chang amshah naw, yum ciah chang gui naw ami läk gui vai ah, hleeihlak ne ami k’tü phlawh nak ah khin gawk law khai nei.

NG'THU K'THUUK~ 17:4

Changshe gui naw akshe ah mawng cu ngai ci gui, hleei hlak ci gui naw hleehlak ah mawng cu ngai ci gui.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

SAM 59:7

Ami ni ng’hawh shak shai la cu ngai tu vä. Ami m’gawng m’lei cu chim ghaat ah mäih ah kyak ci, cun ung phi ami ng’htau a u naw kä ng’yak ciah ngai ci gui.

JAMES 3:6

M’lei cu mei awn täng ci, cheishoh nak ah phung ah kyak ci; m’lei cu pumsa ah ang pai tumat ah kya ne, shetkat nak cu pumsa avan ung gawk sak ci. M’lei cu mei ah ng’düi ne, mi ghin nak avan cu m’htei mei awn, na uih sak gui thei ci.

NG'THU K'THUUK~ 11:6

Düng nak naw changnicu gung ci, cun ung phi ngaih gep vai ah kä kyak ciah chang cu amät ah m’hling ung awk ba ciah kyak ci.

NG'THU K'THUUK~ 6:14

Kä ng’düng ciah m’lung awn akshe avan pawng püi ci gui. Khaw hmun päng ung ng’tuk nak thawh let sak ci gui.

NG'THU K'THUUK~ 2:12

Akshe bi nak ung ning shungshet khai. Khüikha nak thawh let sak ne ng’thu ciah chang gui ah lam ungka ning k’pang khai.

SAM 36:3

Ani ah ang thu cu ng’thu she ah kya ne, hleei nak awn be ci; Ani naw cüivai nak la nikiom nak cu kä bi ba ci.

SAM 10:7

Ang’thu cu ng’plah tang, hleeihlak, shedam nak awn be ci. Ani cu ng’thushe, shai kaa ah thu ghet ci.

SAM 10:3

Changshe cu akshe ami ng’yak hlü nak awn khähghah ci gui; Changka gui naw Bawipa cu plah ne, hnung’tuk püi ci gui.

JAMES 1:21

Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

JEREMIAH 24:2

Ak tük bäih thei vawh ung üp ma ciah thei akni gui om ci, ahei tumat ung ei ung kä ni aih ciah thei akshe gui om ci.

1 SAMUEL 17:28

David naw chang gui ang thu püi gui cu a phäi ang vai pi Eliab naw ng’yak ci. Ani cu David ah khan ah m’lung she neta, shin ung a i na haw lawk ci ang? Bung hmu ah na htawme gui cu a u naw ang a shäm? Nang changshe hta! Ng’tuk na teng tu düt khai ah na lawk ci nei” cik ci.

NG'THU K'THUUK~ 10:32

Düng ciah chang gui naw akni ah ami ng’thu vai hmat ci gui, Cun ung phi changshe gui cu angtäi sei akshekha ah ng’thu ci gui.

SAM 101:3

akshe cu kä ka hnimgei phung khai nei. Khanpughi ah ng’hlah tak ci gui ah bilawh cu, kei naw ka thüi nak ci nei; kei cu ngami awn kä ka ng’gui ng’pha khai nei.

NG'THU K'THUUK~ 3:32

A i ah kyasei ci ung Bawipa naw akshe bik ci gui cu thüi nak ci. Cun ung phi ani naw düng ciah chang gui cu akcang ah yum ciah la gui ci.

NG'THU K'THUUK~ 16:30

Amik muh ne am nei k’pai cicu nami geing nak vai, ngami cu akshe ngaih tuh kheng geng ci gui.