NG'THU K'THUUK~ 5:3 - Cho Bible Common Language 2016

³ Chang ahei ah chu ah am nei cu khoitui ah mäih ah tui khai. Ang ui cu oliv-situi ah mäih ah hnip khai.

NG'THU K'THUUK~ 5:3 Referans Kwoze

NG'THU K'THUUK~ 2:16

Ng’awi ng’gi khai ah ng’thu ne ning m’yawih khai ah k’tha nak c iah kä hnumi man ah kut ungka ning phyawn khai.

NG'THU K'THUUK~ 7:21

Ani naw aktü phlawh nak awn tüihtok khäta, pami cu ng’awi sei ng’thu ciah hnumi ung lut ci.

NG'THU K'THUUK~ 7:5

Cun gui naw chang ah chu la hlim khai ah ng’thu ciah hnumi ung ning shawng sak khai.

NG'THU K'THUUK~ 6:24

A cun naw hnumi she la ang thu hlim ciah chang ah chu awn ning shawng sak khai.

SAM 55:21

Ani ah ang thu cu suuktui ah hnip pi ci, cun ung phi am lung kyong ah thüi nak om ci; Ani ah angthu cu situi mäih ah a dän ung phi, chim ah mäih ah ghat ci.

NG'THU K'THUUK~ 5:20

Ka hta, a i ah kyasei na m’hni nak cu ahei hnumi am na pek vai ang? A i ah kyasei chang hei ah chu ah suuk cu na yap tu vai ang?

NG'THU K'THUUK~ 22:14

Pletbeng nak cu cun ah kyak ci — Acun naw Khanpughi naw am lungshe nak ah chang cu phak ci.

SOLOMON NG’Ä~ 4:11

Ka m’hni aw, na m’nei cu khoitui ah mäih ah tui ci; nang ah m’lei cu kei ah phäh ah suuk tui la khoi tui ah kyak ci nei. Na suisak gui cu Lebanon tui ng’ui avan ah mäih ah kyak ci nei.

THUSHÄUTU 7:26

Sih nak ah ta kha pi cicu ka hmuk ci, cun cu cuun ah mäih lawk ci hnumi nei. Ani ah ning pek ah m’hni nak cu ng’vai ah mäih ah kyak ci. Nang cu ning phak khai; a ning k’awi nak ah kut naw m’si gui ah mäih ah ning khit khai. Khanpughi yeikyai sak ciah chang naw a cun cu phyawn nak khai, cun ung phi katnak bik cicu a cun naw phak khai.