NG'THU K'THUUK~ 5:2 - Cho Bible Common Language 2016

² Cun ung nang naw a i hawkcha kümbe vai cu na hmat khai. Na ng’thu gui naw nang ung hmu hmat nak om ciah dang sak khai.

NG'THU K'THUUK~ 5:2 Referans Kwoze

NG'THU K'THUUK~ 16:23

Lunglang ciah chang gui naw ka ami ng’thu pha ung ngaih tuh ma ci gui, ami ng’thu cu yum yei nak awn law püi ci gui.

NG'THU K'THUUK~ 15:7

Hmuhmat nak cu cuivai chang naw ng’shawng sak ci, chang gu ang naw ka ng’shawng sak hlawt ci.

SOLOMON NG’Ä~ 4:11

Ka m’hni aw, na m’nei cu khoitui ah mäih ah tui ci; nang ah m’lei cu kei ah phäh ah suuk tui la khoi tui ah kyak ci nei. Na suisak gui cu Lebanon tui ng’ui avan ah mäih ah kyak ci nei.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

NG'THU K'THUUK~ 10:21

Changni ah ng’thu naw chang akda bä sak ci, cun ung phi gu-ang cicu amät ngawn ci.

SAM 119:13

Nang naw na na pek ah na thukhän gui cu ang shawng ah ka pyen ba khai nei.

SAM 71:15

Nang ah ni nak cu ka pyen khai; a hnüüp pum ung na hun nak cu ka ngak khai, cun cu kei ah hmuh hmat ah mä bä pi ci nei.

SAM 45:2

Nang cu na kyom pi bäih ci, na ng’thu thei pi bäih ci. Khanpughi naw angtäi sei hriham ning pek ci.

NG'THU K'THUUK~ 20:15

Nang naw na mat ah pyen ah ng’thu cu na hmat ah a kyak ung, nang ung ghui la pyülung ah a phu kui pi cicu om ciah kyak ci.

NG'THU K'THUUK~ 3:21

Ka hta, cüivai nak cu k’pang ne na kyong nak vai, nang ungka kä na ng’phleng en sak vai.