NG'THU K'THUUK~ 5:13 - Cho Bible Common Language 2016

¹³ Ka saya gui phi kä ka ngai gui ci, A i ah kä ka sui gui ci.

NG'THU K'THUUK~ 5:13 Referans Kwoze

HEBRU 13:7

Khanpughi ah ng’thu ning m’thein law gui te ciah nami ng’vai gui cu, nami shüm gui vai nei. Ami ghin nak la ami sik nak cu vang ngai ba u netah, ami yum nak cu nami thei leh gui vai nei.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

LUKA 15:18

A tuhbäi ng’düi law ne, kapa ah hteit ba netah, Kapa aw, Khanpughi la nang Kapa ah khan ah katnak ka bi pyi ci nei,

NG'THU K'THUUK~ 1:8

Ka hta, napa la na nu ah ning m’cäi cu geing na ne na ngaih vai.

NG'THU K'THUUK~ 5:14

Cun kawn ah chang hli ah ng’lung ah ka thüi cu, ang ghit ah ka mät naw ka mät ka hmuk ci” cine na kyak nak khai nei.

1 GHANGPUGHANG GUI 12:14

Chang nong gui ah m’cäi tu ah mäih ah ani naw bik ci. Ani naw pyen ci, “Kapa naw phuih gih ning phuih sak gui ci; kei naw gih pi ci ka ning phuih sak gui khai. Ani naw htung cih awn ning that gui ci, kei naw htung tawn awn ka ning that gui khai.”