NG'THU K'THUUK~ 5:11 - Cho Bible Common Language 2016

¹¹ Sih nak ah na ih phak ung kä thou ne na ng’yän khai, na m’cisa la nak thang cu ning ei yawp khai,

NG'THU K'THUUK~ 5:11 Referans Kwoze

ROMAN 6:21

Cun yah ung nami bi lawh gui naw a i ah phi kä ning khüi ng’vong gui ci, cun naw tuk bäi ning lü ng’aa sak gui ne, ak hnu ah sih nak ung ning gawk sak gui ci.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

KHEI NAK 5:27

Ani naw pawmyau nak bik ciah a kyak ung cun ah tui naw ak kha ah nat sak khai. Ani ah chihta cu ng’phling ne, ale täng pumsa cu pim khai. Ani ah ming cu a chang gui ah ng’lung ah plah tam ah kyak khai.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

NG'THU K'THUUK~ 7:23

m’la naw am lung aken ah mäih ah, kha cu ng’vai ung awk khai ah a hteh ah mäih ah, a ghin nak sih nak ung a luh cu ani naw kä hmat ci.

THULÄÄN NAK 32:29

A i ah kyasei ami hniim gui cu, Ngami naw kä hmu hning ci gui. A i ah kya lawk ci, cicu ngami naw kä hmat ci gui.

NG'THU K'THUUK~ 5:10

ä, chang lam hteit gui naw na khawh avan lak khai gui, na bi phung cu chang ahei naw kaa nak khai.

NG'THU K'THUUK~ 5:12

Cun ung nang naw “A i ah kyasei kei kä ka theithang ang? A i ah kyasei chang ah na m’düng nak kä ka dou ang?

NG'THU K'THUUK~ 2:19

Ani ah hteit ciah chang phung kä law ba ci. Ghin nak ah lam ung kä ng’hlat law ba ci.