NG'THU K'THUUK~ 4:5 - Cho Bible Common Language 2016

⁵ Cüvai nak gah vai ah na m’lung ung na tha vai, ka pyen cu kä na m’hnih vai kä na nawng en vai.

NG'THU K'THUUK~ 4:5 Referans Kwoze

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

2 SHONTÄP NAK 34:2

Ani naw Bawipa ah yeinak vai ah bik ci; ani naw apughi David Ghangpughang ah bi cu läk ne, Khanpughi ah thukhän avan gui phi a khüüsüh ah läk ci.

NG'THU K'THUUK~ 19:8

M’kumnak gah vai ah na mat na bi vai, na thei hning phung avan na ng’thei vai. Cun kawn ah na ng’thei cu na shum la vai. Cun ung na buhmang khai.

NG'THU K'THUUK~ 17:16

Chang gu ang naw ca ng’thei nak vai ah phah ah ngui a mang cu ka nik ci, a i ah kyasei ci ung ani ung ng’yak hlü nak ka om ci.

NG'THU K'THUUK~ 8:5

Kä nami ng’langkha ne ma? Nami ng’langkha vai ah ng’thei vä. Nami gu-ang ne ma? Nami ng’lang vai ah ng’thei vä.

SAM 44:18

Keimi nang ah khan ah kä bekhüt ne kä kami om ci; Na thumkhän kä läk ne ka kami om ci.

NG'THU K'THUUK~ 23:23

Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.

NG'THU K'THUUK~ 18:1

Chang awn ka om ih thei ciah chang gui cu, ami mat bang ng’yum ci gui. Ngami naw chang van naw hman ciah akbäi cu ka yum tuk ci gui.

NG'THU K'THUUK~ 16:16

Cuivai nak la lunglang nak cu ghui la ngui ah ta ba pi ci — ba pikbähih ci.

SAM 119:157

Kei ung ka ga la na shedam nak cicu da ai ci nei, cun ung phi na thukhän läk vai ah kä ka zu ng’kia phung ci nei.

SAM 119:51

Chang ah ng’shei ci gui naw angtäi sei, na päipih ci gui, cun ung phi na thukhän cu kä ka hteh tak ci.

JOB 23:11

Ani naw a ghü ah lam cu kei bekhüt ne ka läk ci, ang leng täng ah kä ka ple phung ci.

NG'THU K'THUUK~ 3:1

Ka hta, ka ning m’thein phung kä na m’hnih vai, na bia vai ah ka ning m’thein cu angtäi sei na shüm vai.

NG'THU K'THUUK~ 4:7

Cüivai nak gah cu aküikyang pi nang ah bi vai ah kyak ci, na gah phung cu na m’lung kyong ung na tha vai.