NG'THU K'THUUK~ 4:23 - Cho Bible Common Language 2016

²³ Na m’lung ngaih cu na geing nak vai, na ghin nak cu na m’lung ngaih naw ghaat sak ci.

NG'THU K'THUUK~ 4:23 Referans Kwoze

LUKA 6:45

Am lung ngaih nik cicu akni ah ng’thu ng’htau ci, am lung ngaih shek cicu akshe ah ng’thu ng’htau ci. A i ah kyasei ci ung, chang naw am lung ung om ci vah, a shai awn pyein ci.

NG'THU K'THUUK~ 13:3

Na ng’thu ng’htau geing na ne, na ghin nak na shungvong vai. Kä geing nak ah ng’thu ci naw amät m’di ci.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

MATTHE 15:19

Chang ngawn nak, chang ah chu hta kat püi nak, changshe awn ih om nak, m’guk-ei hleei pyein nak, la chang m’thüi khang nak gui ah kä nik ciah ngaih-tüh gui phung cu, m’lung kyong ungka lut lawk ciah kyak ci.

NG'THU K'THUUK~ 23:19

Ngai ä! ka hta aw, Cüivai ne na ghin nak ah lam cu ak thuuk ah na ngaih-tüh vai,

NG'THU K'THUUK~ 28:26

Na mat ah ngaih ba ah na om cu na gu ang ah kyak ci. Na phyawn nak vai ah cuivai ba pi ciah m’theithang cu na lak vai.

MAKUH 14:38

Cun kawn ah Bawipa Jesuh naw, “Nangmi naw tüihtok nak nami phiawn nak vai ah taigü ne ana ging vä, mümcha naw ng’ya hlü sei phi, pumsa thagui kä om ci nei” ci ne pyen na gui ci.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

NG'THU K'THUUK~ 4:7

Cüivai nak gah cu aküikyang pi nang ah bi vai ah kyak ci, na gah phung cu na m’lung kyong ung na tha vai.

NG'THU K'THUUK~ 3:21

Ka hta, cüivai nak cu k’pang ne na kyong nak vai, nang ungka kä na ng’phleng en sak vai.

NG'THU K'THUUK~ 22:5

Na hnun gui na m’hni ah a kyak ung alam päng ung changshe gui phak ciah cuun awn ng’shawng khai ah na om vai nei.

NG'THU K'THUUK~ 11:16

Bä ciah hnumi cu chang m’sui nak om ci, Nikiom nak kä om ciah hnumi cu thui ng’aa nak om ci. Dam ciah chang naw ngui kä gah ci, Cun ung phi ng’khän ciah chang cu bühmang ci.

THUSHÄUTU 5:13

Shin ah khomdek khan ung kyih vai sei, shin ung kei naw ka hmuh cu; chang gui naw a hlü law ung ami mang vai ah ami ngui cu m’cun m’sep ci gui,

MATTHE 15:18

Cun ung phi m’gawnglei ung lut lawk cicu m’lung kyong ungka lawk ciah kya ne, acun naw chang cu shetkat sak ci nei.

2 GHANGPUGHANG GUI 10:31

Cun ung phi Israel Khanpughi, Bawipa ah thukhän cu Jehu naw am lung kyong avan awn kä läk ci; cun ung phi ani naw Israel gui katnak ung hteh püi ciah Jeroboam cu läk ci.

NG'THU K'THUUK~ 16:17

Lam akni ung htie ciah chang naw akshe cu hlawi hlek ci, na hteh nak ah lam cu na m’htei vai.