NG'THU K'THUUK~ 4:18 - Cho Bible Common Language 2016

¹⁸ Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

NG'THU K'THUUK~ 4:18 Referans Kwoze

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

JOB 11:17

Nang ah ghin nak cu hnüüp lunglai ung khokdei ah ta dei pi khai nei. Na ghin nak ung a hmüp nak gui cu kho athaih law ah mäih ah ng’shü lawk khai nei.

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

PHILIPPIAN 2:15

Cun ung nangmi cu cheishoh ne katnak bik ci gui ah om nak ah khaw ung Khanpughi ah kümbe ciah hta gui ah kya ne, katnak kä om ne theingthap ciah chang gui ah nami kyak khai.

2 PETER 1:19

Cun ah kyasei keimi naw profet gui ah ng’shäu ah ng’thu cu kami yum law pi ci. Cun cu nami ngaih-tüh kheng vai nei, a i ah kia sei ci ung cun cu hmüp khui ung mei m’däi ah mäih ah, kho a thaih law güt nami m’lung kyong ung khäng ciah thaihke aisi ah kiak ci.

MATTHE 5:16

Acun ah mäih ah chang gui naw akni ah nami om cu ning teng gui u ne, khankho ah om ciah nami Pa cu ami m’hlüngtai vai ah, chang gui ah ma ah nami dei nak cu va deikhang sak vä.

MATTHE 5:14

Nangmi cu m’dek khan avan ung akdei ah mäih ah nami kyak ci. M’Htung lai ah k’süm ah pigaw cu a i naw kä shung hlawt ci.

SAM 84:7

Ngami cu gai law pi pi ne hteit ci gui; Ngami naw Zion mang gaw ung khanpughi gui ah Khanpughi cu hmuk khai gui nei.

ISAIAH 26:7

Bawipa, nang naw changni gui ah lam cu na ng’müi sak ci; Ngami ah lula nak ah lam cu na nep sak ci nei.

2 SAMUEL 23:4

ng’mei kä om ciah khaw thaih hta ung, pyü ne sou ciah khaw hni ah mäih ah, khaw a aa thai ung khu m’sai m’kim sak ne, pyü ciah khaw hni ah mäih ah kyak ci nei.”

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

JOB 23:10

Cun ung phi kei naw ka bi phung cu Khanpughi naw hmuk ci, ani naw ana m’nüm vaisü ung ang ciim ah na hmuk khai süte nei.

MATTHE 5:45

Cun ung vah nangmi cu Khanpughi ah hta ah nami kyak khai. Khanpughi naw chang k’ni, chang k’she van ah khan ah kho yuk so sak ci, akni akshe bik ci van ah khan ah kho phi yuk aa sak ci.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

SAM 97:11

Düng ciah khan ah akdei cu ng’shü ne, nik ciah khan ah yeikyai nak om ci.

NG'THU K'THUUK~ 2:9

Kei na na ngaih ah a kyak ung düng nak, taga nak la hmai kyang nak cu na hmat khai. Ai na bi vai cu na hmat khai.

NG'THU K'THUUK~ 2:20

Cun ah kyasei nang cu changniläk ne düng ciah ghin nak awn na ghin vai.

NG'THU K'THUUK~ 13:9

Düng ciah chang cu pyü ne ng’shü ciah akdei ah mäih ah kyak ci. Cun ung phi chang shekha cu phät lawk khai ah mei im ah mäih ah kyak ci.

NG'THU K'THUUK~ 15:24

Cuivai ciah chang gui cu ghin nak ah hang kai nak ah lam ung hteit ci gui, sih nak ah yu ktum nak ah lam ung kä hteit ci gui.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.