NG'THU K'THUUK~ 4:15 - Cho Bible Common Language 2016

¹⁵ Akshe cu na ng’pheng taak vai, kä na bi en vai, lek ne na lam ung na hteh vai.

NG'THU K'THUUK~ 4:15 Referans Kwoze

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

1 THESSALONIAN 5:22

akshe phung cu nami nawng vai nei.

JOB 22:23

Na m’lung neim sak ä, Khanpughi ah law ba ne na im ung nami bilawh ah akshe avan cu ng’pyi sak ä.

JOB 11:14

Akshekha gui la hmakat nak gui cu na im ungka naw ahei ah k’täm ä.

PHYAWN NAK 23:7

Kä düng ci kä na bi vai. Chang cu sih nak ung kä na shum vai. Kei naw cun ah mäih ah ak she bik ci phung cu ka m’kyuk khai.

ISAIAH 33:15

Nang cu hman ciah ng’thu ne, düng ciah nabi vang na k’pawih hning ci nei. Dukhaih ci k’titaih nak vai ah nami huham kä nami mang vai, ng’mü khawh kä nami dou vai. Chang ngawn khai ah pawng ci ung phi kä nami ng’gui tu vai.

NG'THU K'THUUK~ 6:5

Sakap ah cuun ungka luat ciah kha ah mäih ah, kigang ah mäih ah cun ah cuun ung na luat khai.

NG'THU K'THUUK~ 5:8

Acun ah mäih ah hnumi cu na hteh tak vai nei.

NG'THU K'THUUK~ 4:14

Changshe ah hteh nak ung kä na hteh tu vai, chang shekha bang ne kä na läk vai.

NG'THU K'THUUK~ 4:16

Chang shekha gui cu cheishoh nak kä ami bi ung kä ip hlawt ci gui. Chang tumat kä ami m’di ung kä cimgang ci gui.

NG'THU K'THUUK~ 1:15

Ka hta aw cun ah mäih chang cu kä na läk tu vai. Cun gui awn ng’shawng ne na m vai.

NG'THU K'THUUK~ 24:1

Changshe gui kä nami vamneng nak vai, ngami awn ng’khawt vai ah phi kä nami tha nak vai.