NG'THU K'THUUK~ 4:13 - Cho Bible Common Language 2016

¹³ Na ng’theithang phung cu angtäi ah na shüm vai. Na cimghang nak cu na ghin nak ah kyak ci.

NG'THU K'THUUK~ 4:13 Referans Kwoze

HEBRU 2:1

Mikmi naw mi ng’yak pyi ah thu düng cu khäng khai ah mi shum khai, cun ung mikmi cu lam kä mi hma khai.

NG'THU K'THUUK~ 3:18

Cüivai ciah chang gui cu yeikyai ci gui, cüivai nak naw ghin nak pe gui ci.

NG'THU K'THUUK~ 23:23

Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.

THULÄÄN NAK 32:47

Shin ah m’theithang gui cu ng’thu a ghawng ah kä kyak ci, cun gui cu nangmi ah ghin nak akcang ah kyak ci. Nami läk vai, cun ung nangmi cu Jordan tuinu kat ne nami khäm law vai ah khaw ung akshou ghing ne nami om khai.

1 THESSALONIAN 5:21

Apäng avan m’nüm ne k’tä netah, nik ci phung cu kut shum u ne,

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

LAMKTU 2:42

Ngah mi cu ang düihpüi gui ah ng’thei thang tu u neh a täng ah ip om u neh, a täng ah ei awh u neh, a täng ah k’tai gü u neh, mü pyang ci gui.

JOHAN 6:68

Simon Peter naw, “Bawipa, a u ah om nak ah keimi kami hteh vai ang? Nang Bawipa bäng naw vah angtäi ghin nak ah ng’thu cu na pyein ci.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

SOLOMON NG’Ä~ 3:4

Ngami ka hteh tak gui vai am ani cu ka hmuk ci. Kei naw ani cu pang ne kä ka hteh ba sak ci ka nu ah im ka ng’tüi nak ah akhan kyong güt ah ka hteh püi ci.

THUSHÄUTU 7:12

a cun naw ngui naw m’lung üp nak a pek ah mäih ah ning pek khai. Cüivai nak naw ning phyawn sak ci — cun cu hmuhmat nak ah abä nak ah kyak ci.

NG'THU K'THUUK~ 3:22

A cun gui naw ghin nak ning pek khai — bä nak la yei nak ah ghin nak ah kyak ci.

ATÜNNAK 32:26

Cun ah chang naw, “Khaw thai lawk ci, na chah ä, ka hteit ba khai” cik ci. Jakob naw, “Hriham kä na na pek pha ung kä ka ning chah khai nei” cik ci.

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

NG'THU K'THUUK~ 6:23

Ngami ah m’shüm thein nak cu ng’shü ne dei ci: ami m’shung m’düng nak naw a i cha ah ghin vai cu ning m’thei ci.

NG'THU K'THUUK~ 8:35

Kei na hmuk ciah chang cu ghin nak hmuk ci. Bawipa cu ngami awn lünlawi khai.

NG'THU K'THUUK~ 10:17

Chang ah m’cäi ngai ciah chang cu ghing khai, a cheishoh nak kä ng’yu ciah chang cu, kyihkyawk nak ung gawk khai.