NG'THU K'THUUK~ 4:12 - Cho Bible Common Language 2016

¹² Cüivai ne na hteh ung na lam kä ng’gaw khai, na dawng ung phi kä na vawn tam khai.

NG'THU K'THUUK~ 4:12 Referans Kwoze

NG'THU K'THUUK~ 3:23

Nang cu phyawng ne na lam ung hteit ne, kä na m’thuih shawng phung khai.

SAM 18:36

Nang naw khih pawn nak ungka na na shum ci; Kei kä ka zu ng’kya phung khai.

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

2 SAMUEL 22:37

Nang naw thawng kyum nak ungka na na k’pang ci, Kei cu kä ka kyu phung khai.

NG'THU K'THUUK~ 4:19

Chang shekha gui ah hteh nak ah lam cu khawmü ah mäih ah hmüp ci. Ami ng’tän ung phi ami ng’vawn nak cu kä hmuk ci gui.

JEREMIAH 31:9

Kei ah ka Chang gui cu kyap u ne, taigü u ne, kei naw lam ka m’shüm gui nak awn law ba khai gui. Kei naw tuihta gui ah om nak ung khah püi gui ne, kä ami kiuk ng’täät vai ah lam k’ni ung ka khah püi gui khai.” Kei cu Israel ah pa ah mäih ah ka kyak ci, Epharaim cu ka hta ng’vaipi ah kyak ci.

NG'THU K'THUUK~ 6:22

Ngami ah m’theithang naw na hteh nak lam ning m’shüm khai, mü ah ning ngäng khai, hnüüp ah ning m’cäi khai.

SAM 119:165

Na thukhän m’hni ci gui ung kümbe ciah ngaih gep nak om ci, Ngami yu ng’kyak sak gui khai a i phi kä om ci.

SAM 119:45

Kei cu akbe ah ng’päize ne ka om khai, a i ah kyasei ci ung kei naw na m’theithang gui cu ka läk vai ah ka tha nak ci.

NG'THU K'THUUK~ 2:9

Kei na na ngaih ah a kyak ung düng nak, taga nak la hmai kyang nak cu na hmat khai. Ai na bi vai cu na hmat khai.