NG'THU K'THUUK~ 4:10 - Cho Bible Common Language 2016

¹⁰ Ka hta, na ngai ä, ka ning m’thein ah ng’thu cu ak thuuk ah na dou va, cun ung akshou na ghing khai.

NG'THU K'THUUK~ 4:10 Referans Kwoze

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

NG'THU K'THUUK~ 3:2

Kei ah ka m’thei thang naw ng’shi ciah ghin nak la bühmang nak cu ning pek khai.

THULÄÄN NAK 6:2

Nangmi nami om ah chuih nangmi la nami htangshon gui naw Bawipa nami Khanpughi cu m’tamkhah u ne, kei naw ka ning pek gui ah thumkhän avan cu nami läk vai, cun ung nangmi cu cun ah khaw ung akshou nu nami om khai.

JEREMIAH 9:20

Kei naw ka pyen ci, “Nangmi hnumi gui, Bawipa cu ngai vä, ani ah ng’thu cu ngaih na kheng vä. Nami hta hnumi gui a i cha ah ami thüi kyah vai, 1 nami teipüi gui naw a i cha ah gook kyah ng’äi ami m’cu vai cu m’thei gui vä.

NG'THU K'THUUK~ 3:16

Cüivai nak naw akshou ghin nak pek ci, bämang nak la m’tamkhah nak phi ning pek ci.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

NG'THU K'THUUK~ 8:10

Ngui ah ta kei ah m’shüm thein nak cu nami ghü vai. Ghui akni ah ta kei ah hmuhmat nak cu nami ghü vai.

NG'THU K'THUUK~ 19:20

Nang naw m’cumcäii nak na ngaih ah a kyak ung, na ng’thei hlü ah a kyak ung, khaw hnüüp at ung na cuivai khai.

NG'THU K'THUUK~ 2:1

Ka hta aw, ka ning m’thei cu na ng’thei vai. Ka ning m’thei cu ka na m’hnih phung vai.

JOB 22:22

Ani ah m’theithang nak cu dou ne ani ah ng’thu cu nam lung ung tha ä.

THULÄÄN NAK 5:16

“Na nu la na pa na chang m’sui vai. Kei, Bawipa na Khanpughi naw ka ning thumkhän ci. Cun ung nang ung avan bä nak om khai. Kei naw ka ning pek ah khaw ung ghing shou ne na om khai.

THULÄÄN NAK 11:21

Cun ung Bawipa nami Khanpughi naw nami pupa gui am a pek gui vai ah a shaitak ah khaw ung nangmi la nami hta nau gui cu ak shou nami om khai. M’dek ah khan ah khawmik a om ah chuih nangmi cu acun ung nami om khai.