NG'THU K'THUUK~ 31:9 - Cho Bible Common Language 2016

⁹ Ngami ah phäh ah ng’thu pyen ne, ng’düng khai ah ng’thumcha ne dukhaih ci la ng’ya hlük ciah chaw cu nami shungvong pek vai.”

NG'THU K'THUUK~ 31:9 Referans Kwoze

ISAIAH 1:17

Ak ni bi vai ah ng’thei vä. Taga ciah bi cu nami teng vai — ami shedam nak cu nami m’hteihtang vai, hmei hta guiam ak chaw nami pek vai, hmeinu gui nami shungvong vai.”

TAIGÜTHUM 19:15

Amawng ama ng’thumcha nak ung düng nak la taga nak awn bi vai, dukhaih ci shedam nak, büh mang ci kyih aa nak ah kä a kyak en vai.

THULÄÄN NAK 1:16

“Acun yah ung kei naw kam shümthein gui ci. Nami chang gui ah anglung ung gawk lawk ciah cuhcan nak gui cu ngai kheng vä. Cuhcan päng cu hüiyang khai ah nami pyi phleh vai. Cun cu nami mät ah chang ah mawng ah a kyak ung phi, nami lung ah om tuk ciah khaw hei chang ah mawng ah a kyak ung phi.

JEREMIAH 22:3

Kei, Bawipa naw ka ning thumkhän gui ci, taga ci la dung cicu nami bi vai. Nangmi naw ami m’hleei ah chang cu m’hleei ciah chang ungka nami shungvong vai. Akhohei chang gui, hmeihta gui, hmei nu gui cu, akshe ah kä nami om nak gui vai, kä nami shedam nak gui vai: shin ah theing-cim ciah hmun ung changni gui cu kä nami ngawn gui vai.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

JEREMIAH 5:28

Akni ei aw u ne plan sa ci gui. Akshe ah ami hnun thawh nak ung m’hnüt k’bäi nak kä om ci. Hmei hta gui am ami gah vai ah chaw kä pek ci gui, ami shedam nak gui amtaga nak kä pek ci gui.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

NG'THU K'THUUK~ 16:12

Ghangpughang naw akshe cu kä m’gein hning ci, a i ah kyasei ci ung taga nak naw uk nak cu khüighat sak ci.

JOB 29:12

Dukhaih ci gui ami kyah m’lau ung kei naw kam htei gui ci. Ami hteh nak ba vai kä om ciah hmeihta gui cu kei naw ka m’htei gui ci.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

JOHAN 7:24

Khan shai awn dang ci düt teng ne käm khoichaa u ne, düng nak awn m’khoichaa nak nami bi vai nei” cine kyak na gui ci.

ZEKHARIAH 7:9

“Cau pui shin ah ng’thumkhän cu chang gui am ka pe gui ci: ‘Nangmi naw taga nak bi pyi cu nami hmuh vai nei, Tumat la tumat ng’khawt gei nak la chimgein nak cu nami m’dang vai.

NG'THU K'THUUK~ 20:8

Ghangpughang cu ng’thumcha nak ung ngok ci, ani naw akshe cu a hmuh ung hmat ci.

2 SAMUEL 8:15

David naw Israel khaw avan uk ci, ak chang gui cu ng’cim htaih ne taga khai ah ng’htei ne bik ci.

HEBRU 1:9

Nang naw akcang cu m’hni ne, cheishoh cicu na thüi nak ci nei. Cun ah kyasei Khanpughi, na Khanpughi naw, nang cu ning ghü ne, Na paw gui ah tah küikyang pi khai ah, ning m’tamkhah ne, yeikyai nak cu ning pek ci”, cik ci.

ISAIAH 11:4

Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

1 SAMUEL 19:4

Jonathan naw Saul ah ma ah David cu m’tam ne a pyen cu, “Bawi aw, Na changshäm David ah khan ah chei khai ah kä na bi vai nei. Ani naw nang ung a i phi a hma kä bik ci; ang lakmah nak cu, ani naw abi phung cu nang ah phäh ah ak dämduh ah m’htei htang nak ah kyak ci.

1 SAMUEL 20:32

Jonathan naw, “Ani a i ah kyasei a sih vai ang, Ani naw a i ang a bi” cik ci.

NG'THU K'THUUK~ 29:7

Changninaw dukhaih ci gui ah chaw vai cvu hmat ci, cun ung phi chang shekha gui naw cun ah mäih cu kä hmuhmat ci gui.

SAM 82:3

Dukhaih ci la hmeihta gui nami küi gui vai, Geinvai ci la khüikha ci gui cu nami hmai kiang nak vai.