NG'THU K'THUUK~ 31:8 - Cho Bible Common Language 2016

⁸ “Ami mät kä ng’thu hlawt ciah chang gui ah phä ah ng’thu nami pyen pek gui vai, am gein kaa gui ah ami gah täng vai avan cu nami shungvong pek gui vai.

NG'THU K'THUUK~ 31:8 Referans Kwoze

JEREMIAH 26:24

Cun ung phi kei cu Shapham ah hta Ahikam ah ng’düih püi nak ka gah ci kya neta kei cu chang gui naw ami na ngawn vai ah kä na ap ci gui.

JOHAN 7:51

Nikodemus naw, “Mikmi ah thukhän awn pyein ah a kyak ung; a u chang phi akat nak dang khai ah käng shi-en ah, a pyein nak tuba hning vai kä peit-en ah, mi m’kat hning khai ma? cine pyein ci.

SAM 79:11

Thawng ung kium ci gui ah ng’hlaw ng’ei cu ngaih pe gui ä, sih nak ami pek gui cu hlüngtai ciah na huham awn k’phiawn gui ä.

1 SAMUEL 20:32

Jonathan naw, “Ani a i ah kyasei a sih vai ang, Ani naw a i ang a bi” cik ci.

NG'THU K'THUUK~ 24:7

Cüivai nak ng’thu cu thuuk aih ciah kyasei, chang gu ang naw kä hmat yäi ci. Küikyang aih ciah amawng gui pyen sak law ung ani naw a pyen tu vai a i kä om ci.

JOB 29:9

Chang gui ah ami ng’vaihta gui cu ami ng’thu chiu ng’düm khai gui.

SAM 82:1

Khanpughi cu khankho kongsi lam shüm ne, khanpughi gui ah ng’lung ah ng’düi ne m’khoi m’cha nak bik ci:

NG'THU K'THUUK~ 29:7

Changninaw dukhaih ci gui ah chaw vai cvu hmat ci, cun ung phi chang shekha gui naw cun ah mäih cu kä hmuhmat ci gui.

NG'THU K'THUUK~ 31:7

Ami dukhaih nak la kä ami yeikyai nak ami m’hnih vai ah nami awk sak gui vai.