NG'THU K'THUUK~ 31:4 - Cho Bible Common Language 2016

⁴ Ngai ä, Lemuel! Ghangpughang naw yu kä a awk vai, awktat vai phung kä a awk en vai.

NG'THU K'THUUK~ 31:4 Referans Kwoze

NG'THU K'THUUK~ 20:1

Yu akda awk cu pyam nak la gu nak ah kyak ci. Awktat cicu gu taak ci.

ISAIAH 5:22

Nami khaw mü ci nei! Zu ah chang m’gäi gui! Nangmi cu awk nak naw aning k’caw law gui ung nget u ne kyih nak nangmi ung kä om ba ci nei!

THUSHÄUTU 10:17

Amät ah m’hnüt bäi nak awn bi hning ciah ghangpughang om ne, a khin awn ei ne, amät naw amät m’htei ne, kä awktat ciah angvai gui ah om nak ah khawpäng cu bänak om ci nei.

HABAKKUK 2:5

Mang cicu theileh ci, m’gäi cicu chang ah ng’shei ci, pheetlah ci. Sih nak ah mäih ah ami ng’büh nak kä om ci, a i ah kyasei ci ung ngami naw changpakhui päng tu ne khäm ci gui.

ESTA 3:15

Ghangpughang naw thumkhän ne ak bäi cu, Susa mang gaw ung chang khli ah ma ah tai ci gui. Cun kawn ah ca tei ci gui naw khopäng gui ah tei ci gui. Susa mang gaw ung thüngphyong ne ami kyak yah ung, ghangpughang la Haman cu sapyit tui aw ne ngok ci goi.

1 GHANGPUGHANG GUI 20:12

Benhadad naw angkhawt püi gui la uktu gui awn phung ah kyong ah ami awk yah ung Ahab ah ng’thu ng’ya neta, mang gaw ge vai ah ami om vai ah ng’thu k’bäi gui sei, ngami cu ng’tuk ge vai ah pawng ci gui.

1 GHANGPUGHANG GUI 16:9

Zimri, ani ah a bawi tumat, ghangpughang ah yatha gui a teih uk ci naw ani cu hnungtuk püi ci. Hnüüp ät ung Tirzah ah, mang im ung ng’vai ciah Arza ah im ah Elah cu awktak ci.

ESTA 1:10

Mang ei pawi ah a hnüüp chih hnüüp ung ghangpughang cu ei aw ne yeikyai ci. Cun ah kyasei ani naw amät ah changshäm sing chih; Mehuman, Biztha, Harbona, Biktha, Abagtha, Zethar, la Karkas gui cu khü gui ci.

NG'THU K'THUUK~ 23:34

Tuinu ah khan ah na om ciah mäih ah na ngai khai. Nik phiui khai, ng’lau ciah htinpaw htung ung akhlüng ah na ng; cuum ciah mäih ah kyak khai.