NG'THU K'THUUK~ 31:31 - Cho Bible Common Language 2016

³¹ Cun ah hnumi am a bi avan ah phäh ah ang lawn ah pek vai. Ani cu chang päng naw ak chang m’sui vai ah khin kha ci nei.

NG'THU K'THUUK~ 31:31 Referans Kwoze

SAM 128:2

Na mät ah bilawh awn na ng’yak hlü küm be khai, yeikyai ne na bämang khai.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

THU PHLAAN 14:13

Cun kawn ah khankho ah kaa k’aw naw, “Tuhbäi ung tün ne Bawipa ah khuut bi netah, sik ci gui cu yeikyai nak om ci nei, cun cu na guk vai nei” ci sei ka ng’yak ci. Mumcha naw, “Ä! Cun cu akcang nei! K’tha nane bilo ciah chang gui cu yeikyai ne ng’düm khai gui nei, ami bi ah akchaw cu ami mät awn ng’khap ci nei” cine pyein ci.

MATTHE 7:16

Ngahmi cu hleeihlak ciah profet ah ami kyak ah mawng cu, ami bilawh awn nami hmat khai. Ng’hling shun ung sapyit kä m’theih man ci, ng’hling ghing ung k’thei phi kä m’theih man ci.

PHILIPPIAN 4:17

Cun cu kei naw m’cümhnah ng’ya hlü ne ka pyein ah kä kyak ci, nang mi ah camhnüt ung a tang law pi vai ah ka pyein ah kyak ci.

NG'THU K'THUUK~ 31:16

Ani naw kholo vai shui ne hleih ci, ani naw amät naw shui ne agah ah ngui awn sapyit lo bik ci.

NG'THU K'THUUK~ 11:30

Düng nak naw ghin nak pek ci, cun ung phi ng’tukvok nak naw nawt pet yawp ci.

1 TIMOTHI 5:25

Acun ah mäih ah amshah ah nikiom nak gui cu dang ge ci, kä dang ge ciah nikiom nak gui cun phi a i naw kä shungshet hlawt ci.

LAMKTU 9:39

Cun ah kyasei Peter cu, cun ah chang goi awn a täng ah gui law tuk ci. A gawk law vai am chang gui naw Peter cu im akhan kyong ah hteh püi ci gui. Hmeinu gui cu kyap ne Peter ana bui u ne, Dorkas naw a ghin yah ung a tah ah suinu suitha gui cu ana m’hnuh ci gui.

MATTHE 7:20

Cun ah kyasei hleeihlak ciah profet gui cu, ami mät ah bilawh awn nami hmat gui khai.

ROMAN 16:6

Nang mi ah hmawk ah k’tha nah ne bi bik ciah Mari cun phi yavaih nak nei.

ROMAN 16:12

Bawipa ah khuut bik ci goi ah Tryphaena la Tryphosa la, Bawipa ah hmawk ah akda bik ciah ka teihpüi Persis gui cun phi ka yavaih na gui ci nei.

NG'THU K'THUUK~ 31:30

M’däk nak cu lam hma nak ah kyak ci, kyom nak cu ng’kawn khai, cun ung phi Bawipa m’tamkhah ciah hnumi cu m’hlüngtai nak om khai.

THUSHÄUTU 1:1

Shin cu David ah htapa, Jerusalem ghangpughang, ak thuuk hmat ciah ng’thu ah kyak ci.